अकलूज सार्वजनिक बांधकाम उपविभाग क्र.१ उपअभियंता पदाचा श्री. गोविंद कर्णवर पाटील यांनी पदभार स्वीकारला…
श्री. गोविंद कर्णवर पाटील यांच्याकडे प्रशासकीय कामकाज व उत्कृष्ट अभियंता म्हणून उप अभियंता पदाचा पदभार मिळालेला आहे.
अकलूज (बारामती झटका)
अकलूज सार्वजनिक बांधकाम विभाग अंतर्गत सार्वजनिक बांधकाम उपविभाग क्रमांक १
उप अभियंता श्री. लक्ष्मण डाके दि. ३१/०५/२०२५ रोजी नियत वयोमानानुसार सेवानिवृत्त झालेले होते. त्यांच्या उप अभियंता पदाचा पदभार शाखा अभियंता श्री. गोविंद कर्णवर पाटील यांच्याकडे देण्यात आला आहे. सार्वजनिक बांधकाम मंडळ सोलापूर अधीक्षक अभियंता श्री. संजय माळी यांनी कार्यालयीन आदेश देऊन उप अभियंता पदाचा पदभार श्री. गोविंद कर्णवर पाटील यांच्याकडे दिलेला होता. दि. ०१/०६/२०२५ रोजी अकलूज सार्वजनिक बांधकाम उपविभाग क्र. १ येथे उप अभियंता पदाचा श्री. गोविंद मल्हारी कर्णवर पाटील पदभार स्वीकारला. यावेळी अधिकारी व कर्मचारी यांनी स्वागत केले.
शाखा अभियंता श्री. गोविंद कर्णवर पाटील यांना प्रशासकीय कामकाजाचा दांडगा अनुभव आहे. शासकीय विश्रामगृह माळशिरस, न्यायालय माळशिरस व तालुक्यातील रस्ते यांचे दर्जेदार काम करून घेतलेले आहे. त्यांनी सार्वजनिक बांधकाम विभागात उत्कृष्ट पद्धतीने काम केलेले असल्याने उत्कृष्ट शाखा अभियंता पुरस्कार प्राप्त आहेत. सेवानिवृत्त उप अभियंता श्री. लक्ष्मण डाके यांच्या समवेत सार्वजनिक बांधकाम विभागात काम केलेले आहे. त्यामुळे त्यांच्याकडे उप अभियंता पदाचा पदभार दिलेला आहे.
शासकीय अभियांत्रिकी महाविद्यालय कराड येथून पदवी प्राप्त केलेली आहे. सार्वजनिक बांधकाम विभाग मध्येमध्ये भरती होऊन राष्ट्रीय महामार्ग उपविभाग तुळजापूर या ठिकाणी कनिष्ठ अभियंता म्हणून रुजू झाल्यानंतर सार्वजनिक बांधकाम उपविभाग परांडा या ठिकाणी सेवा केली. परंडा इथून बदली होऊन सार्वजनिक बांधकाम विभाग अकलूज या ठिकाणी कार्यरत आहेत. अकलूज सार्वजनिक बांधकाम विभागात त्यांना उत्कृष्ट शाखा अभियंता पुरस्कार मिळालेला आहे.
सध्या गोविंद कर्णवर पाटील यांच्याकडे शाखा अभियंता पदाचा पदभार असून प्रभारी उप अभियंता पदाचा पदभार राहणार आहे. सार्वजनिक बांधकाम विभागात उपअभियंता व शाखा अभियंता पदावर कार्यरत असताना श्री. गोविंद कर्णवर पाटील यांच्या प्रशासकीय कामकाजामुळे त्यांच्याकडे प्रभारी उप अभियंता पदाची जबाबदारी आलेली आहे.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
