कण्हेर ग्रामपंचायत पंचवार्षिक निवडणुकीत चुरशीचे व शांततेत मतदान पार पडले, 3703 मतदारांनी मतदानाचा हक्क बजावला.
विजयसिंह मोहिते पाटील पुरस्कृत कण्हेरसिद्ध ग्रामविकास पॅनलच्या थेट जनतेतील सरपंच पदाच्या उमेदवार सौ. सोनल दत्तात्रय माने यांचा 250 मताधिक्याने विजय होईल, पॅनलचे धर्मराज माने यांचा दावा
कण्हेर (बारामती झटका)
माळशिरस तालुक्याच्या पश्चिम भागातील राजकीय दृष्ट्या महत्त्वाची असणारी कण्हेर ग्रामपंचायत निवडणुकीत चुरशीचे व शांततेत मतदान पार पडलेले आहे. 3703 मतदारांनी मतदानाचा हक्क बजावलेला आहे. थेट जनतेतील सरपंच व ग्रामपंचायत सदस्य यांची समोरासमोर निवडणूक झालेली आहे. माजी उपमुख्यमंत्री विजयसिंह मोहिते पाटील पुरस्कृत कण्हेरसिद्ध ग्रामविकास पॅनलच्या थेट जनतेतील सरपंच पदाच्या उमेदवार सौ. सोनल दत्तात्रय माने यांचा 250 मताधिक्याने विजय होईल, असा पॅनलचे धर्मराज माने यांचा दावा आहे.
माळशिरस पंचायत समितीचे माजी सदस्य व कण्हेर गावचे माजी सरपंच गौतमआबा माने यांच्या कण्हेरसिद्ध ग्रामविकास पॅनलकडून बाजीराव महादेव माने थेट जनतेतील सरपंच पदाचे उमेदवार आहेत. दोन्ही पॅनलचे तेरा ग्रामपंचायत सदस्य समोरासमोर निवडणूक लढलेले आहेत.
कण्हेर ग्रामपंचायतीचे एकूण पाच वार्ड आहेत. वार्ड क्रमांक एक मध्ये 889 मतदार आहेत, पैकी 867 मतदान झाले आहे. वार्ड क्रमांक दोन मध्ये 970 पैकी 896 मतदान झाले आहे. तर वार्ड क्रमांक तीन मध्ये 602 पैकी 557, वार्ड क्रमांक चार मध्ये 642 पैकी 576, वार्ड क्रमांक पाच मध्ये 948 पैकी 807 मतदारांनी मतदानाचा हक्क बजावलेला आहे.
विजयसिंह मोहिते पाटील पुरस्कृत ग्रामविकास पॅनलची गेल्या पाच वर्षांमध्ये ग्रामपंचायतीवर सत्ता होती. त्यावेळेस 475 मताधिक्याने सरपंच पदाचे उमेदवार निवडून आलेले होते. अटीतटीची निवडणूक होऊनसुद्धा धर्मराज माने यांनी थेट जनतेतील सरपंच व सत्ता अबाधित राहणार, असा दावा केलेला आहे. उद्या दि. 06/11/2023 रोजी सकाळी 09 वाजता मतमोजणीला सुरुवात होणार आहे. खरे चित्र मतमोजणी नंतर स्पष्ट होणार आहे. मतमोजणी तहसील कार्यालय माळशिरस येथे होणार आहे. दहा ग्रामपंचायतीपैकी देशमुखवाडी ग्रामपंचायत बिनविरोध झालेली असून उर्वरित नऊ पैकी सवतगव्हाण ग्रामपंचायतीचे थेट जनतेतील सरपंच व दोन ग्रामपंचायत सदस्य बिनविरोध झालेले आहेत. दहिगाव ग्रामपंचायतीमध्ये दोन ग्रामपंचायत सदस्य बिनविरोध झालेले आहेत. उर्वरित सर्व गावांचे थेट जनतेतील सरपंच व ग्रामपंचायत सदस्य यांच्या मतमोजणीचे थेट प्रक्षेपण बारामती झटका यूट्यूब चॅनल वरून प्रसारित करण्यात येणार आहे. तरी आपण जगाच्या पाठीवर कोठेही असाल तरी आपणाला ग्रामपंचायत निकालाची अपडेट कळणार आहे. तरी आजच बारामती झटका यूट्यूब चॅनलला सबस्क्राईब केले नसेल तर करा आणि नोटिफिकेशन मिळवून थेट लाईव्ह प्रक्षेपण पहावे. संपादक श्रीनिवास कदम पाटील संपर्क 98 50 10 49 14 या नंबर वर करावा धन्यवाद..
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
