सहा. आरोग्य प्रमुख डॉ. मनीषा नाईक यांच्या बेहिशोबी मालमत्ता आणि विविध मागण्यांसाठी ढोल बजाओ आंदोलन करून करणार रहस्याचा उलगडा…

चलो पुणे महानगरपालिका भवन; रुग्ण हक्क परिषद, पुणे शहरचे संस्थापक अध्यक्ष उमेश चव्हाण

पुणे (बारामती झटका)

लाचखोर, भ्रष्टाचारी पुणे महानगरपालिकेतील सहा. आरोग्य प्रमुख डॉ. मनीषा विनोद नाईक यांना निलंबित केलेच पाहिजे या प्रमुख मागणीसाठी सौ. अपर्णा मारणे साठ्ये, अध्यक्ष पुणे शहर, प्रभाताई अवलेलू, कविताताई डाडर, चित्राताई साळवे, राजाभाऊ कदम, अनिल गायकवाड, किरण चौगुले, अरुणाताई हरपळे, नितीन चाफळकर यांच्या नेतृत्वाखाली गुरुवार दि. ११/०७/२०२४ रोजी दु. ०३:०० वाजता पुणे महानगर पालिका, मुख्य प्रवेशद्वार, पुणे येथे जोरदार ढोल बजाओ आंदोलन करण्यात येणार आहे. यामध्ये प्रामुख्याने…

१) डॉ. मनीषा विनोद नाईक यांच्या भ्रष्ट, काळ्या पैशाची वसुली करणारे DSI बाबा इनामदार लाखो रुपयांची रक्कम जमा करतात, या मोठ्या प्रमाणात सुरु असणाऱ्या चर्चेचा जाब विचारण्यासाठी…!

२) वसुली – डॉ. मनीषा विनोद नाईक इमारत बांधकाम पूर्ण झाल्याचा ना-हरकत प्रमाणपत्र देण्यासाठी ५० हजार रुपये घेतात ? कोण घेतात ? लॉज, हॉटेल, फाईव्ह स्टार हॉटेलच्या परवानगीसाठी किती पैसे घेतात? हे जाहीर मांडण्यासाठी…!!

३) पुण्यात सोमेश्वरनगर, पाषाण भागात एकाच इमारतीत तीन आलिशान फ्लॅट एकत्र करून भव्य घरात वास्तव्य, राजेशाही थाटात वावर, महागडे फर्निचर आले कुठून ?

४) आलिशान घराच्या पार्किंगला आलिशान महागड्या गाड्या, सेव्हेन स्टार हॉटेलमध्ये मुलाचा साखरपुडा तर दुसऱ्या मुलाच्या वैद्यकीय शिक्षणासाठी लाखो रुपये डोनेशन आणि फीचा खर्च येतो कुठून ?

५) हॉस्पिटलला परवानगी देताना, बेड वाढवून देताना, २ लाख रुपये खासगी डॉक्टरांकडून लाच घेतली जाते, डॉक्टर आणि रुग्णांची पिळवणूक थांबवण्यासाठी…

६) हॉस्पिटलची बिले काढण्यासाठी वर्षाला ३ ते ४ कोटींची लाच खाणाऱ्या आणि शहरी गरीब योजना खिळखिळी करणाऱ्या डॉ. मनीषा विनोद नाईक निलंबित झाल्याच पाहिजेत!!

डॉ. मनिषा नाईक यांच्या अश्या अनेक भ्रष्ट बाबींचा ढोल वाजवून उलगडा करण्यासाठी डॉ. मनीषा विनोद नाईक यांचे निलंबन झालेच पाहिजे, या प्रमुख मागणीसाठी, बेहिशोबी मालमत्ता आणि लाचखोरी मुर्दाबाद म्हणण्यासाठी, आरोग्य विभागाला लागलेली भ्रष्टाचारची कीड संपवण्यासाठी, बहुसंख्येने सामील होण्याचे आवाहन रुग्ण हक्क परिषद, पुणे शहरचे संस्थापक अध्यक्ष उमेश चव्हाण यांनी केले आहे.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.