मा. आ. राम सातपुते बाबा झाले, सौ संस्कृती सातपुते आई झाल्या… गौराईच्या पूर्वसंध्येला श्रीराम बंगल्यात सोनपावलांनी सोनपरीचे आगमन झाले..
सौ. संस्कृती यांना “ताई” म्हणणाऱ्या “मावशी” झाल्या, “मामा” झाले, राम यांना “भाऊ” म्हणणाऱ्या लाडक्या बहिणी “आत्या” झाल्या तर भाऊ म्हणणारे काका झाले…
मांडवे (बारामती झटका)
भारतीय जनता युवा मोर्चाचे राष्ट्रीय उपाध्यक्ष व माळशिरस विधानसभेचे लोकप्रिय दमदार माजी आमदार आरोग्यदूत राम सातपुते “बाबा” झाले समाजसेविका सौ. संस्कृतीताई सातपुते “आई” झाल्या. गणपती-गौराईच्या पूर्वसंध्येला श्रीराम बंगल्यात सोनपावलानी सोनपरीचे आगमन झालेले आहे. सौ. संस्कृती सातपुते यांना संस्कृती “ताई” म्हणणाऱ्या महिला “मावशी” झाल्या तर, सर्व “भाऊ” “मामा” झाले. राम यांना “भाऊ” म्हणणाऱ्या सर्व जातीधर्मातील लाडक्या बहिणी “आत्या” झाल्या तर भाऊ म्हणणारे काका झाले. श्रीराम बंगल्यावर सोन पावलांनी सोनपरीच्या आगमनाची बातमी माळशिरस तालुक्याच्या कानाकोपऱ्यात वाऱ्यासारखी पसरली. सर्वांना आई-बाबा झालेला आनंद गगनात मावलेला नाही..
राम आणि संस्कृतीताई दोघेही उच्चशिक्षित आहेत. शालेय जीवनातील ओळख वैवाहिक बंधनामध्ये ऋणानुबंधाच्या रेशीमगाठीत वैवाहिक जीवनाला सुरुवात झालेली होती. संस्कृतीताई यांचे भाग्य मोठे आहे, राम सातपुते कार्यकर्ता असताना साखरपुडा झालेला होता तर आमदार झाल्यानंतर लग्न झालेले होते. कॉलेज जीवनामध्ये अनेक स्वप्न पाहिलेली असतील ती निश्चितपणे विवाहानंतर सत्यात उतरलेली असणार आहे. वैवाहिक जीवनाच्या पूर्वी जी दोघांच्या नात्यांमध्ये आपुलकी, जिव्हाळा, प्रेम, माया होती तीच वैवाहिक जीवनानंतर सुद्धा दोन्ही पती-पत्नींनी जपलेली आहे. माळशिरस विधानसभा मतदारसंघात राम सातपुते लोकप्रतिनिधी असताना सामाजिक कार्यामध्ये सहभागी होवून संस्कृतीताई वेळोवेळी पतीच्या पाठीमागे ठामपणे उभा राहिलेल्या आहेत.
एकाच नात्यातील असल्याने संस्कृतीताई यांनी श्री. विठ्ठल सातपुते व स्वर्गीय सौ. जिजाबाई सातपुते यांना सासू-सासरे न मानता स्वतःच्या आई-वडिलांसारखी सेवा केली. खऱ्या अर्थाने सुशिक्षित महिलांमध्ये पाहायला मिळत नाही मात्र, संस्कृतीताई यांनी आपल्या सुसंस्कृत आई-वडिलांच्या विचाराने सासर व माहेर एकच अशा पद्धतीने आपले वैवाहिक जीवन सुरू ठेवलेले होते.
सुशिक्षित अथवा अशिक्षित असो, वैवाहिक जीवनामध्ये आपल्या घरामध्ये गौराई अथवा गणपतीचे आगमन व्हावे, अशी सर्वांचीच मनोमन इच्छा असते त्याच पद्धतीने राम आणि संस्कृती यांची सुद्धा आपल्या वैवाहिक जीवनामध्ये प्रथम आपल्या घरामध्ये सोनपावलानी सोनपरी यावी अशी मनोमन इच्छा होती. बारामती झटका न्यूज चॅनलचे संपादक श्रीनिवास कदम पाटील यांनी संस्कृती ताई यांना गणपती आगमनाच्या दिवशी शुभेच्छा देताना आपल्या घरात गणेशाचे आगमन व्हावे, अशा शुभेच्छा दिल्यानंतर संस्कृतीताई यांनी, दादा गौराई यावी अशी इच्छा व्यक्त केली होती. समाजामध्ये आपण मुलींपेक्षा मुलांना महत्त्व देणारे आई-बाबा पाहिलेले आहेत. समाजामध्ये स्त्री जन्माच्या मुलीचे स्वागत केलेले आपण पाहिलेले आहे. मात्र, सोनपावलाने येणाऱ्या परीचे जन्म अगोदर स्वागत करणारे पहिलेच आई-बाबा म्हणून राम व संस्कृती सातपुते एकमेव ठरलेले आहेत. निश्चितपणे, भविष्यात गौराईच्या पूर्वसंध्येला सोनपावलानी आलेली सोनपरी सातपुते परिवार यांच्या मनातील इच्छा आकांक्षा अपेक्षा पूर्ण करेल. अशी सोनपरीच्या आगमनाने परिस्थिती निर्माण झालेली आहे.
श्रीराम बंगल्यामध्ये सोनपरीचे बारामती झटका न्यूज परिवार यांचे कडून सहर्ष सहर्ष स्वागत आहे.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
