जिल्हा परिषदेमध्ये पाच सदस्य व पंचायत समितीमध्ये दोन सदस्य स्वीकृत सदस्य नेमणूक होणार..
मुख्यमंत्री देवेंद्रजी फडणवीस यांच्याकडे महसूल मंत्री चंद्रशेखर बावनकुळे यांचा अधिनियमात सुधारणा करण्यास पत्र व्यवहार….
मुंबई (बारामती झटका)
महाराष्ट्र राज्याचे लाडके मुख्यमंत्री देवेंद्रजी फडणवीस यांच्याकडे महसूल मंत्री चंद्रशेखर बावनकुळे यांनी जिल्हा परिषद व पंचायत समिती निवडणुका अंतर्गत जिल्हा परिषदेतील पाच व पंचायत समितीमधील दोन सदस्यांची स्वीकृत सदस्य म्हणून नेमणूक करण्यासाठी अधिनियमात सुधारणा कराव्यात, असा पत्रव्यवहार केलेला असून सदरच्या पत्रावर ग्रामविकास विभागाकडे कार्यवाही करता पाठवलेले आहे.
मुख्यमंत्री देवेंद्रजी फडणवीस यांच्याकडे महसूल मंत्री चंद्रशेखर बावनकुळे यांनी दिलेल्या पत्रामध्ये, ग्रामीण स्तरावर सक्रिय कार्य करणाऱ्या कार्यकर्त्यांना योग्य प्रतिनिधित्व आणि संधी मिळावी, या दृष्टिकोनातून विद्यमान महाराष्ट्र जिल्हा परिषद आणि पंचायत समिती अधिनियमामध्ये सुधारणा करणे आवश्यक आहे.
सदर अधिनियमातील तरतुदीनुसार स्वीकृत सदस्यांची नियुक्ती करता येते परंतु, सध्याच्या धोरणानुसार ह्या संधी मर्यादित स्वरूपात उपलब्ध आहेत. त्यामुळे राज्य शासनाने सदर अधिनियमानुसार सुधारणा करून जिल्हा परिषदेसाठी पाच व पंचायत समितीसाठी दोन स्वीकृत सदस्य नेमण्याची तरतूद करावी, अशी नम्र विनंती आहे.
यामुळे समाजाभिमुख कार्य करणाऱ्या परंतु निवडणूक लढवण्याची क्षमता नसलेल्या पात्र कार्यकर्त्यांना विकास प्रक्रियेत सहभागी होण्याची संधी उपलब्ध होईल, तसेच स्थानिक स्वराज्य संस्थांचा कारभार अधिक प्रभावी व सर्व समावेशक होईल..
आपण याबाबत सकारात्मक निर्णय घेऊन कार्यकर्त्यांना योग्य प्रतिनिधित्वाची संधी उपलब्ध करून देण्याकामी उपरोक्त सुधारणेबाबत संबंधितांना सूचना देण्यात याव्यात, अशा प्रकारे पत्रव्यवहार केलेला असून सदरच्या पत्रा अन्वये मुख्यमंत्री देवेंद्रजी फडवणीस यांनी कार्यवाहीसाठी ग्रामविकास विभागाकडे तात्काळ कळवलेले आहे…
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
