अकलूज येथील बाबुराव ज्योतिबा सावंत यांचे अल्पशा आजाराने दुःखद निधन…

अकलूज (बारामती झटका)

अकलूज ता. माळशिरस येथील प्रगतशील बागायतदार बाबुराव ज्योतिबा सावंत उर्फ बाबूकाका यांचे वयाच्या 78 व्या वर्षी अल्पशा आजाराने सोमवार दि. 18/12/2023 रोजी दुःखद निधन झालेले आहे. त्यांच्या पश्चात चार मुले, एक मुलगी, सुना, जावई, नातवंडे असा परिवार आहे. त्यांच्यावर अकलाई स्मशानभूमी येथे शोकाकुल वातावरणात अंत्यसंस्कार करण्यात आलेले आहेत. रक्षाविसर्जन (तिसऱ्याचा) कार्यक्रम बुधवार दि. 20/12/2023 रोजी सकाळी 7.30 वाजता होणार आहे.

अकलूज पंचक्रोशीमध्ये ते बाबूकाका या नावाने सुपरिचित होते. त्यांची साधी राहणी व उच्च विचारसरणी होती. त्यांचा सोज्वळ स्वभाव होता. अकलूज येथील विजय चौक या ठिकाणी त्यांचे वास्तव्य होते. त्यांना काही दिवसापूर्वी पक्षाघात झालेला होता. घरामध्येच त्यांचे दुःखद निधन झालेले आहे. बाबू काका यांच्या दुःखद निधनाने सावंत परिवार यांच्यावर दुःखाचा डोंगर कोसळलेला आहे. त्यांच्या आत्म्यास सद्गती प्राप्त होवो व सावंत परिवार यांना दुःखातून सावरण्याचे ईश्वर बळ देवो हीच बारामती झटका परिवार यांचे कडून भावपूर्ण आदरांजली आहे.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९७६६७०३५१४ हा नंबर आपल्या व्हाट्सअप ग्रुपमध्ये समाविष्ट करावा.