चांदापुरी (बारामती झटका) रशीद शेख यांजकडून
चांदापुरी ता. माळशिरस येथील नवयुवक निहार जमीर पठाण, अलियारखान अजिजखान पठाण व रणजीत संजय वाघ यांची महाराष्ट्र राज्य राखीव पोलीस दलात नुकतीच निवड झाली.
यामध्ये निहार जमीर पठाण यांची महाराष्ट्र राज्य राखीव पोलीस बल गट क्र. ७ दौंड, जि. पुणे येथे, अलियारखान अजिजखान पठाण यांची महाराष्ट्र राज्य राखीव पोलीस बल गट क्र. १० सोलापूर आणि रणजीत संजय वाघ यांची महाराष्ट्र राज्य राखीव पोलीस बल गट क्र. ३ जालना येथे निवड झाली.
तसेच चांदपुरी गावाच्या कन्या मनीषा पोपट मगर यांची अकलूज नगर परिषद येथे मुख्य कार्यकारी अधिकारी पदी निवड झाली तर स्वप्नाली सर्जेराव कोपनर यांची महसूल सहाय्यक अधिकारी मंत्रालय, मुंबई येथे एमपीएससी मधून निवड झाली आहे. हे सर्व अतिशय सामान्य कुटुंबातून आले असून जिद्द व मेहनतीच्या जोरावर हे यश मिळवले आहे. त्याबद्दल चांदापुरी ग्रामपंचायत, जिल्हा परिषद प्राथमिक शाळा चांदपुरी, प्रतापसिंह विद्यालय चांदापूरी, ग्रामपंचायत कार्यालय पठाण वस्ती, शेतकरी ग्रामीण पतसंस्था चांदापुरी यांच्यातर्फे तसेच परिसरातील ग्रामस्थांनी सत्कार करून अभिनंदन केले आहे.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
