चि. अमित चांगण, नातेपुते व चि. सौ. कां. दिपाली पिसे, पिसेवाडी यांचा शाही शुभ विवाह सोहळा होणार संपन्न

श्री. संजय चांगण, नातेपुते व श्री. भास्कर पिसे, पिसेवाडी यांचे ऋणानुबंध रेशीमगाठीत बांधले जाणार

नातेपुते (बारामती झटका)

कै. मल्हारी सखाराम चांगण यांचे नातू व श्री. संजय मल्हारी चांगण रा. नातेपुते, ता. माळशिरस, यांचे द्वितीय सुपुत्र चि. अमित व कै. तुळशीराम बाबू पिसे यांची नात व श्री. भास्कर तुळशीराम पिसे रा. पिसेवाडी, ता. आटपाडी, यांची ज्येष्ठ सुकन्या चि. सौ. कां. दिपाली यांचा शाही शुभविवाह सोहळा गुरुवार दि. ०८/०५/२०२५ रोजी सायंकाळी ६ वा. २१ मि. या गोरज मुहूर्तावर राज आनंद मंगल कार्यालय, दहिगाव रोड, नातेपुते, ता. माळशिरस, येथे संपन्न होणार आहे.

सोनियाच्या पावलाने, मेहंदीच्या हाताने, हळदीच्या अंगाने, मधुर स्वराने, श्री सद्गुरु, कुलदैवतांच्या साक्षीने मातापित्यांच्या आशीर्वादाने, सप्तपदीच्या पवित्र बंधनाने एकमेकांस आजन्म साथ देणाऱ्या अमित–दिपाली या नवदांपत्यास शुभ आशीर्वाद देण्यासाठी आपण सहकुटुंब सहपरिवार उपस्थित राहावे, असे आवाहन चांगण परिवाराच्या वतीने करण्यात आले आहे.

नातेपुते नगरपंचायतीच्या विद्यमान नगरसेविका सौ. शर्मिलाताई संजय चांगण यांच्यावतीने चिरंजीव अमित चांगण, नातेपुते व सौ. दिपाली पिसे, रा. पिसेवाडी यांच्या शाही शुभविवाह सोहळ्याप्रसंगी उपस्थित राहण्याचे आवाहन करण्यात आले आहे.

लग्नाच्या घाईगडबडीत नजरचुकीने आपणांस हस्ते परहस्ते आमंत्रण निमंत्रण द्यायचे राहून गेले असल्यास हेच निमंत्रण समजून येण्याचे अगत्य करण्याची विनंती समस्त चांगण व पिसे परिवार यांच्यावतीने करण्यात आली आहे.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.