धानोरे वेळापूर येथील जगन्नाथ ज्ञानोबा देवकते यांचे अल्पशा आजाराने दुःखद निधन…

वेळापूर (बारामती झटका)

धानोरे, ता. वेळापूर येथील प्रगतशील बागायतदार जगन्नाथ ज्ञानोबा देवकते यांचे वयाच्या 85 व्या वर्षी रविवार दि. 25/1/2026 रोजी अल्पशा आजाराने दुःखद निधन झालेले आहे. त्यांच्या पश्चात पत्नी, तीन मुले, एक मुलगी, सुना, जावई, भाऊ, पुतणे, नातवंडे असा परिवार आहे. त्यांच्यावर वेळापूर मळोली रोडवरील नंदनवन परिसर येथील राहत्या निवासस्थानाशेजारील शेतामध्ये शोकाकुल वातावरणात अंतिम संस्कार करण्यात आलेले आहे..

जगन्नाथ ज्ञानोबा देवकते यांचे मूळ गाव धानोरे आहे. धानोरे गावामध्ये राजकीय व सामाजिक क्षेत्रात देवकते परिवार यांचे नाव आहे. धानोरे गावचे सरपंच व उपसरपंच पद त्यांच्या घरामध्ये होते.

जगन्नाथ देवकते यांना जगुआप्पा सावकार या टोपण नावाने ओळखत होते. व्यापार क्षेत्रामध्ये त्यांची उल्लेखनीय ओळख होती. बोलका स्वभाव असल्याने पंचक्रोशीत सर्व परिचित होते. त्यांचा रक्षा विसर्जन तिसऱ्याचा कार्यक्रम मंगळवार दि. 27/01/2026 रोजी सकाळी 07 वाजता होणार आहे. जगुआप्पा यांच्या जाण्याने देवकते परिवार यांच्यावर दुःखाचा डोंगर कोसळलेला आहे. स्वर्गीय जगन्नाथ देवकते उर्फ आप्पांच्या आत्म्यास शांती लाभो व देवकते परिवार यांना दुःखातून सावरण्याचे ईश्वर बळ देवो हीच बारामती झटका परिवार यांचे कडून भावपूर्ण आदरांजली आहे..

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.