वेळापूर (बारामती झटका)
सध्याच्या काळात डिजिटल साक्षरता अत्यंत आवश्यक बाब बनली आहे, असे मत प्रा. विक्रम मगर यांनी व्यक्त केले.
शंकरराव मोहिते महाविद्यालयाच्या राष्ट्रीय सेवा योजना विभागाच्या वतीने उघडेवाडी ता. माळशिरस, येथे आयोजित विशेष श्रमसंस्कार शिबिरात ‘डिजिटल साक्षरतेसाठी युवक’, या विषयावर ते बोलत होते. यावेळी अध्यक्षस्थानी संग्रामसिंह माने देशमुख हे होते.
पुढे बोलताना प्रा. विक्रम मगर म्हणाले, सामान्य लोकांना बँकेचे ऑनलाईन व्यवहार करत असताना महत्त्वाच्या बाबींची माहिती नसते. त्याचा गैरफायदा सायबर गुन्हेगार घेत असतात आणि सामान्य नागरिकांची मोठ्या प्रमाणात फसवणूक होऊ शकते, अशी अनेक उदाहरणे सध्या आपल्याला दिसून येत आहेत. म्हणून, आपण कधीही पासवर्ड तसेच ओटीपी गुप्त ठेवावा. सायबर गुन्हेगार ते शोधून काढतात आणि फसवणूक करू शकतात यासाठी सर्वांनी सजग राहणे आवश्यक आहे.
यावेळी व्यासपीठावर शिक्षण प्रसारक मंडळाचे संचालक वसंतराव जाधव, रामदास गायकवाड आदी उपस्थित होते. सदर कार्यक्रमाचे प्रास्ताविक डॉ. दत्तात्रय मगर यांनी केले.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
