अकलूज येथे माळशिरस तालुक्याच्या वतीने भव्य तिरंगा रॅलीचे आयोजन….

अकलूज (बारामती झटका)

भारतीय सैन्याने ऑपरेशन सिंदूरच्या माध्यमातून पाकिस्तानचे कंबरडे मोडले. भारतीय सैन्याच्या या शूर पराक्रमाच्या सन्मानार्थ राज्यभरात भव्य तिरंगा रॅली आयोजित करण्यात येत आहे.

भारतीय सैनिकांच्या सन्मानार्थ माळशिरस तालुक्यातील देशप्रेमी यांच्या वतीने भव्य तिरंगा रॅलीचे आयोजन शुक्रवार दि. २३ मे २०२५ रोजी सायंकाळी ५ वाजता सदाभाऊ चौक, महात्मा गांधी चौक ते डॉ. बाबासाहेब आंबेडकर चौक अकलूज, ता. माळशिरस येथे माळशिरस तालुक्यातील सर्व देशप्रेमी नागरिकांच्या मोठ्या संख्येच्या उपस्थितीने संपन्न होणार आहे.

भव्य तिरंगा रॅलीत भारतीय जनता युवा मोर्चाचे राष्ट्रीय उपाध्यक्ष व माळशिरस विधानसभेचे लोकप्रिय दमदार माजी आमदार राम सातपुते यांची प्रमुख उपस्थिती राहणार आहे. माळशिरस तालुक्यातील आजी-माजी सैनिक, जवान व देशप्रेमी यांनी वेळेवर उपस्थित राहून भव्य तिरंगा रॅलीत सहभागी व्हावे, असे आवाहन आयोजकांच्या वतीने करण्यात येत आहे.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.