कै. विष्णुपंत कुलकर्णी (अण्णाकाका) यांच्या तेराव्या पुण्यस्मरणानिमित्त विविध सामाजिक कार्यक्रमांचे आयोजन.

माळशिरस (बारामती झटका)

श्री हनुमान शिक्षण प्रसारक संस्था, विष्णुपंत कुलकर्णी ग्रामीण बिगर शेती सहकारी पतसंस्था, माळशिरस, विविध कार्यकारी सेवा सोसायटी, रामदेव व मारुती देवस्थान, हनुमान मोफत वाचनालय यांच्या वतीने दि. 24 जून 2024 रोजी कै. विष्णुपंत कुलकर्णी (अण्णाकाका) यांच्या तेराव्या पुण्यस्मरणानिमित्त विविध सामाजिक कार्यक्रमांचे आयोजन करण्यात आले आहे.

यात रक्तदान शिबिर, आयुर्वेद चिकित्सा व रोगनिदान, कान व श्रवण दोष तपासणी, हृदयरोग व रक्तदाब तपासणी (माधवबाग), दंतचिकित्सा, किशोरवयीन मुलींची रक्तगट तपासणी, किशोरवयीन मुलींच्या आरोग्य समस्या – व्याख्यान अशा विविध कार्यक्रमांचे आयोजन दि. 24 जून 2024 रोजी सकाळी 8:00 वाजले पासून करण्यात आलेले आहे.

तरी नागरिकांनी मोठ्या प्रमाणात या कार्यक्रमात सहभाग नोंदवून मोफत सेवांचा लाभ घ्यावा असे आवाहन श्री हनुमान शिक्षण प्रसारक संस्थेचे कार्यवाहक श्री. रामचंद्र दोशी यांनी केले आहे.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.