संजय आवटे, विलास बडे, राजा माने, मंगेश चिवटे, ॲड. हिरडे पत्रकारांना करणार मार्गदर्शन!!!
करमाळा (बारामती झटका)
करमाळा, माढा, कर्जत, जामखेड, परंडा, इंदापूर या तालुक्यातील पत्रकारांसाठी एक दिवशीय कार्यशाळेचे आयोजन रविवार दि. २१ जानेवारी रोजी सकाळी ११ ते सायंकाळी ५ वाजेपर्यंत हॉटेल राजयोग, करमाळा येथे करण्यात आले असून या कार्यशाळेचा ग्रामीण भागातील पत्रकारांनी लाभ घ्यावा, असे आवाहन करमाळा तालुका पत्रकार संघाने केले आहे. या कार्यशाळेत लोकमतचे मुख्य संपादक संजय आवटे, आयबीएन लोकमतचे विलास बडे, मुख्यमंत्री वैद्यकीय कक्ष प्रमुख मंगेश चिवटे, ज्येष्ठ पत्रकार राजा माने, न्यूज 24 तास हिंदीचे विनोद जगदाळे, दैनिक लोकमत सातारा संपादक जगदीश कोष्टी, दैनिक सकाळचे जयंत जाधव, दैनिक पुण्यनगरीचे वेंकटेश पटवारी, रघुवीर मदने, दैनिक मानदेश नगरीचे सतीश सावंत, दैनिक सकाळचे पिंपरी वृत्त समूहाचे जयंत जाधव, ॲड. बाबुराव हिरडे आदी पत्रकार मार्गदर्शन करणार आहेत.
या कार्यक्रमासाठी आमदार संजयमामा शिंदे, माजी आमदार जयवंतराव जगताप, माजी आमदार शामलताई बागल, माजी आमदार नारायण पाटील, विकास मंडळाचे सचिव विलासराव घुमरे, तहसीलदार शिल्पाताई ठोकडे आदींसह तालुक्यातील प्रमुख अधिकारी उपस्थित राहणार आहेत. या कार्यक्रमासाठी प्रमुख पाहुणे म्हणून प्रसिद्ध उद्योगपती व राणा शिपिंग कंपनी गोवा चे संचालक राणा दादा सूर्यवंशी उपस्थित राहणार आहेत.
या कार्यक्रमात ज्येष्ठ पत्रकार नरसिंह मनोहर पंत चिवटे यांचा सत्कार करण्यात येणार आहे. पत्रकारांच्या कार्यशाळेसाठी ग्रामीण भागातील पत्रकारांनी उपस्थित राहून कार्यशाळेचा लाभ घ्यावा, असे आवाहन तालुका पत्रकार संघ केले आहे. या ठिकाणी पत्रकारांसाठी आरोग्य शिबिरसुद्धा घेण्यात येणार असून याचा लाभ सर्व पत्रकारांनी घ्यावा, असे आवाहन सचिव नासिर कबीर यांनी केले आहे.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
