काव्यानंद प्रतिष्ठान पुणे तर्फे सहा विविध पुस्तकांचे प्रकाशन व कविसंमेलन संपन्न

पुणे (बारामती झटका)

काव्यानंद प्रतिष्ठान, पुणे व साईश इन्फोटेक अँड पब्लिकेशन्स, पुणे यांच्या संयुक्त विद्यमाने आयोजित पुस्तक प्रकाशन सोहळा व कविसंमेलन शनिवार दि. २१ डिसेंबर २०२४ रोजी सकाळी १०.३० वाजता स्वातंत्र्यवीर सावरकर सदन, निगडी पुणे येथे संपन्न झाला. याप्रसंगी कार्यक्रमाचे अध्यक्ष म्हणून ज्येष्ठ साहित्यिक व संत चित्रकार श्री. वि. ग. सातपुते होते. उद्घाटक म्हणून ज्येष्ठ पत्रकार लेखक व्याख्याते श्री. पितांबर लोहार हे उपस्थित होते. तर प्रमुख पाहुणे म्हणून ज्येष्ठ साहित्यिक, कवी व गायक श्री. सुभाष चव्हाण आणि ज्येष्ठ कविवर्य व चित्रकार श्री. शिवाजी सांगळे, बदलापूर हे उपस्थित होते.

कार्यक्रमाची सुरूवात दिप प्रज्वलनाने झाली. कार्यक्रमाचे प्रास्ताविक काव्यानंद प्रतिष्ठानचे संस्थापक अध्यक्ष श्री. सुनिल खंडेलवाल यांनी केले. इंदौर येथील कवयित्री स्मिता सराफ यांनी गणेश वंदना गायन केले. संपूर्ण कार्यक्रमाचे सूत्रसंचालन सीमा गांधी यांनी केले.

म्हणींचं म्हणणं – प्रातिनिधिक काव्यसंग्रह, सापडलेली पत्रे – मराठी पत्र संग्रह, पहावे आपुल्या देशा – लेखिका वंदना ताम्हाणे, मनमंथन – कवयित्री सविता कुंजीर, हिसाब जज़्बातों का – कवयित्री संगीता काळभोर, सफर बालनगरीची – कवयित्री संगीता काळभोर या पुस्तकांचे प्रकाशन यावेळी करण्यात आले. तसेच यावेळी मान्यवरांनी सर्व उपस्थितांना मार्गदर्शन केले.

सदर कार्यक्रमाच्या दुसऱ्या सत्रात बहारदार कविसंमेलन संपन्न झाले. त्यामध्ये मिनल खंडारे, दर्यापूर, संतोष वाघाडे, अंजनखेड, नांदेड, तेजस धेंडे, करमाळा, संगीता काळभोर, मुंबई, ज्योति सिंगारे, बुलढाणा, हिमानी बागोरे, पुणे, अर्चना धोंडगे, नाशिक, निलेश घोडे, मुंबई, कविता ढोबळे, सदाशिवनगर, गौरी काळे, पुणे, स्मिता सराफ, इंदोर, क्रांती शेलार, नाशिक, सुभाष धाराशिवकर, पुणे, वंदना ताम्हाणे, मुंबई, माधुरी वरवटकर, वर्धा, सुनिता गायकवाड, नागपूर, हेमलता शिखरे, मुंबई, शिवाजी सांगळे, बदलापूर, सविता कुंजीर,पुणे, पौर्णिमा ढवळे, करमाळा, राणी दबडे, मुंबई, सर्वेज्ञा शेलार, नाशिक, भाग्या खंडेलवाल, पुणे, परेश कोळी, पनवेल, रत्नदिप आंदे, नांदेड, सीमा गांधी, पुणे, विवेक पोटे, पुणे, अनुराधा, मुंबई, सुभाष चव्हाण, पुणे, शोभाताई जोशी, पुणे, वि. ग. सातपुते, पुणे, सुनिल खंडेलवाल,पुणे या कवी आणि कवयित्रीनी भाग घेतला.

यावेळी सर्व कवींचा सन्मानपत्र व पुस्तक देऊन सन्मान करण्यात आला. सदर कार्यक्रमाची सांगता कविता ढोबळे यांच्या पसायदान गायनाने झाली.

सदरचा कार्यक्रम यशस्वी करण्यासाठी काव्यानंद प्रतिष्ठान पुणेचे सचिव विवेक पोटे, कोषाध्यक्ष अमोल शेळके, साईश प्रकाशनच्या संचालिका स्वाती खंडेलवाल, शंतनू सांगळे, वंश खंडेलवाल, श्री. जालिंदर ताम्हाणे यांचे विशेष सहकार्य लाभले.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.