ग्रामविकास आणि पंचायतराज मंत्री तथा सोलापूर जिल्हा पालकमंत्री ना. मा. श्री. जयकुमार गोरे (भाऊ) यांच्या सुचना…
खटाव (बारामती झटका)
१ एप्रिल पासून राबविण्यात आलेल्या जिवंत सातबारा मोहिमेत अनेक तृटी राहिल्याचे तसेच नोंदी करताना चुका झाल्याचे निदर्शनास आल्याने ग्रामविकास मंत्री ना. जयकुमार गोरे यांनी या मोहिमेचा टप्पा दोन राबविण्याच्या सुचना दिल्या आहेत.
खटाव तालुक्यात सजानिहाय दुसरा टप्पा ३० जून ते २६ ऑगस्टपर्यंत राबविण्यात येणार आहे. २२ जून रोजी कुरोली भागात जनतेशी संवाद साधताना ना. जयकुमार गोरे यांच्याकडे हस्तलिखित आणि संगणकीकृत सातबारा नोंदीमध्ये तफावत असल्याच्या तक्रारी करण्यात आल्या होत्या. त्या तक्रारींची दखल घेऊन त्यांनी महसूल विभागाला कार्यवाही करण्याच्या सुचना दिल्या होत्या.
जिवंत सातबारा मोहिमेत अपाक शेरा कमी करणे, एकुमॅ नोंद कमी करणे, कालबाह्य नोंदी कमी करणे जसे तगाई कर्ज, बंडिंग कर्ज, भुसुधार कर्ज, इतर पिकहस्त नोंदी, भूसंपादन निवाडा, बिनशेती आदेशानुसार प्रलंबित कजापचा अंमल सातबारा सदरी घेणे या आणि इतर नोंदी अद्यावत करण्यासाठी जिवंत सातबारा टप्पा दोन मोहिम राबविण्यात येणार आहे.
३० जून रोजी वडूज आणि खटाव येथे, २ जुलै रोजी गणेशवाडी आणि धारपूडी, ४ जुलै रोजी कुरोली आणि दरुज, ७ जुलै मांडवे आणि जाखणगाव, ८ जुलै गोपूज आणि खातगुण, ९ जुलै भुरकवडी आणि जांब, १० जुलै पुसेगाव, ११ जुलै विसापूर, १४ निढळ, १५ कटगुण, १६ नेर, १७ वर्धनगड, १८ बुध, २१ वेटणे, २२ ललगुण, २३ नागनाथवाडी, २४ राजापूर, २५ डिस्कळ, २८ मोळ,२९ चिंचणी, ३० औंध, ३१ जुलै नांदोशी, १ ऑगस्ट येळीवआणि अनफळे, ४ ऑगस्ट जायगाव आणि कातरखटाव, ५ कळंबी आणि एनकुळ, १० जुलै पुसेसावळी, ११ जुलै वडगाव, १४ राजाचे कुर्ले, १५ पारगाव, १६ पळशीआणि वांझोळी, १७ निमसोड, १८ भूषणगड, २१ गुरसाळे, २२ अंबवडे, २३ चोराडे, २४ म्हासुर्णे, २५ मायणी, २८ धोंडेवाडी,२९ मोराळे, ३० पिंपरी, ३१ जुलै चितळी, १ ऑगस्ट अनफळे, ६ ऑगस्ट पळसगाव, ७ डांभेवाडी, ८ बोंबाळे, ११ हिंगणे,१२ कलेढोण, १३ तरसवाडी, १४ पाचवड, १८ विखळे, १९ पडळ, २० भोसरे,२१ गादेवाडी, २२ लोणी, २५ कोकराळे आणि २६ ऑगस्ट रोजी कुमठे येथे जिवंत सातबारा मोहीम राबविण्यात येणार आहे.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
