महसूल मंत्री तथा प्रदेशाध्यक्ष चंद्रशेखर बावनकुळे यांचे माळशिरसचे माजी नगराध्यक्ष डॉ. आप्पासाहेब देशमुख यांना अभिनंदनाचे पत्र..

माजी खासदार रणजितसिंह नाईक निंबाळकर, पालकमंत्री जयकुमार गोरे, लोकप्रिय माजी आमदार राम सातपुते यांच्या मार्गदर्शनाखाली डॉ. आप्पासाहेब देशमुख यांची पक्ष संघटनेची दमदार कामगिरी…

माळशिरस (बारामती झटका)

महाराष्ट्र राज्याचे महसूल मंत्री तथा भारतीय जनता पक्षाचे प्रदेशाध्यक्ष चंद्रशेखर बावनकुळे यांनी भारतीय जनता पक्षाचे विशेष निमंत्रित प्रांतीक सदस्य तथा माळशिरस नगरपंचायतीचे कर्तव्यदक्ष माजी नगराध्यक्ष व विद्यमान नगरसेवक डॉक्टर आप्पासाहेब एकनाथ देशमुख यांना पक्ष संघटनेत दमदार कामगिरी केलेली असल्याने अभिनंदनाचे पत्र आलेले आहे.

माढा लोकसभेचे कार्यतत्पर व पाणीदार माजी खासदार रणजीतसिंह नाईक निंबाळकर, महाराष्ट्र राज्याचे ग्रामविकास व पंचायत राज मंत्री तथा सोलापूर जिल्ह्याचे पालकमंत्री जयकुमार गोरे, भारतीय जनता युवा मोर्चाचे राष्ट्रीय उपाध्यक्ष व माळशिरस विधानसभेचे लोकप्रिय दमदार माजी आमदार राम सातपुते यांच्या मार्गदर्शनाखाली माजी नगराध्यक्ष डॉक्टर आप्पासाहेब देशमुख यांची पक्ष संघटनेची दमदार कामगिरी झालेली आहे. पक्ष संघटनेच्या बळकटीसाठी केलेल्या कार्याचे कौतुक करून प्रदेशाध्यक्ष चंद्रशेखर बावनकुळे यांनी डॉक्टर आप्पासाहेब देशमुख यांचे पत्र पाठवून अभिनंदन केले आहे.

सदरच्या पत्रामध्ये, भारतीय जनता पार्टीच्या संघटनपर्वामध्ये आपण १००० सदस्य नोंदणी करून त्यांना भारत देशाच्या पुनर्निर्माणाच्या प्रवासात सहभागी करून घेतल्याबद्दल आपले मनःपूर्वक अभिनंदन !

भाजपाचे अंत्योदयाचे धोरण आपण जनमानसात घेऊन जात आहोत. यातून आपली लोकांप्रती असलेली बांधिलकी आणि पक्ष विचारांप्रती असलेली निष्ठा अधोरेखित होते. आपल्या या समर्पित योगदानाबद्दल पक्षाध्यक्ष म्हणून मला आदर आणि अभिमान वाटतो.

आदरणीय पंतप्रधान नरेंद्र मोदी यांच्या नेतृत्वात भारताची मान जगभरात उंचावली आहे, तर आपले आदरणीय मुख्यमंत्री देवेंद्र फडणवीस यांच्या नेतृत्वात महाराष्ट्र थांबणार नाही, याची सर्वांना खात्री आहे.

संघटनपर्वात किमान एक हजार सदस्य भाजपा सोबत जोडून आपण संघटना बळकट केलीच आहे, शिवाय महाराष्ट्राच्या विकासासाठीचे दूतही आपण जोडून घेतलेले आहेत.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.