मा. आ.राम सातपुते यांनी सदाशिवनगर गावच्या बिनविरोध उपसरपंच श्रीमती सुमन नारायण भोसले यांचा सन्मान केला….
आमदार साहेब माझ्या आयुष्यात अनेक लोकप्रतिनिधी पाहिले परंतु, तुम्हीच सदाशिवनगर गावठाणाचा प्रश्न सोडवू शकता – उपसरपंच सुमन नारायण भोसले…
सदाशिवनगर (बारामती झटका)
भारतीय जनता युवा मोर्चाचे राष्ट्रीय उपाध्यक्ष व माळशिरस विधानसभेचे लोकप्रिय दमदार माजी आमदार आरोग्यदूत राम सातपुते यांनी माळशिरस तालुक्यातील सुप्रसिद्ध असणारी सदाशिवनगर ग्रामपंचायतीच्या नूतन बिनविरोध उपसरपंच श्रीमती सुमन नारायण भोसले यांचा श्रीराम निवासस्थानी सन्मान करण्यात आला. यावेळी रिपब्लिकन पार्टी ऑफ इंडिया सोलापूर जिल्हा अध्यक्ष सोमनाथ भोसले, रिपब्लिकन पार्टी ऑफ इंडिया माळशिरस तालुका सरचिटणीस मारुती खांडेकर, तामशिदवाडीचे भाजपचे जेष्ठ नेते दादा पाटील, प्रगतशील बागायतदार विजय उर्फ बिटू नरूटे, सुप्रसिद्ध व्यापारी सुभाष सुज्ञे उर्फ हरी ओम आदी मान्यवर उपस्थित होते..
सदाशिवनगर गावच्या नूतन उपसरपंच श्रीमती सुमन नारायण भोसले सत्कारानंतर औपचारिक चर्चा करताना, आमदार साहेब माझा जन्म या सदाशिवनगर गावामध्ये झालेला आहे. या गावाला आज माझे वय 75 झाले तरीसुद्धा गावाला गावठाण नाही. तालुक्यामध्ये अनेक लोकप्रतिनिधी पाहिलेले आहेत मात्र, आमच्या सदाशिवनगरचा गावठाणाचा प्रश्न सुटलेला नाही. आमदार साहेब तुम्हीच सदाशिवनगर गावठाणाचा प्रश्न सोडू शकता, अशी भावनिक साद चर्चेतून श्रीमती सुमन भोसले यांनी व्यक्त केल्यानंतर लोकप्रिय दमदार माजी आमदार राम सातपुते यांनी लवकरच आपल्या कार्यकालामध्येच गावठाणाचा प्रश्न सोडवू असे उपस्थितांना आश्वासित केले.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
