मळोली गावचे प्रगतशील बागायतदार श्री. शंकरराव यशवंतराव इंगोले देशमुख यांचे वृद्धापकाळाने दुःखद निधन….
मळोली गावचे सौजन्यशील व विनयशील नम्र असणारे बुजुर्ग व्यक्तिमत्व काळाच्या पडद्याआड…
मळोली (बारामती झटका)
मळोली, ता. माळशिरस गावचे प्रगतशील बागायतदार श्री. शंकरराव यशवंतराव इंगोले देशमुख यांचे वयाच्या ९७ व्या वर्षी शुक्रवार दि. ०४/०७/२०२५ रोजी सायंकाळी ८ वा. वृद्धापकाळाने दुःखद निधन झालेले आहे. त्यांच्या पश्चात पत्नी, दोन मुले, पाच मुली सुना, जावई, नातवंडे असा परिवार आहे. त्यांच्यावर आजच मळोली येथील वैकुंठ स्मशानभूमीत रात्री ११ वाजता अंतिम संस्कार करण्यात येणार आहे.
श्री. शंकरराव इंगोले देशमुख ‘दादा’ या टोपण नावाने सर्व परिचित होते. दादांचा स्वभाव सौजन्यशील व विनयशील, नम्र असा होता. कोणत्याही समाजातील व्यक्ती, लहान असो अथवा मोठी असो त्यांनी एकेरी शब्दात कधीही उल्लेख केलेला नाही. असे बुजुर्ग व्यक्तिमत्व काळाच्या पडद्याआड गेलेले आहे.
दादांनी आयुष्यामध्ये माणुसकी कमवली. कधीही कोणाचे मन दुखावेल, असा एकही शब्द उच्चारला नाही. त्यांची सर्वांशी आदरातिथ्य व आपुलकीने वागणूक असायची. इंगोले देशमुख मोठा परिवार आहे. दादांची सासरवाडी जाधव पाटील परिवारातील आहे. तरीसुद्धा दादांनी कधीच कोणाला दुखावले नाही व अरेरावीची भाषा कधीही केलेली नाही. कोणाच्याही घरातील मृत्यूच्या प्रसंगी दादा हजर असतात. ऊन, वारा, पाऊस याची कधीही तमा बाळगली नाही, असे सौजन्यशील व विनयशील असणारे मळोली गावचे बुजुर्ग व्यक्तीमत्व काळाच्या पडद्याआड गेलेले आहे.
दादांच्या दुःखद निधनाने इंगोले देशमुख परिवारांवर दुःखाचा डोंगर कोसळलेला आहे. इंगोले देशमुख परिवाराला दुःखातून सावरण्याचे ईश्वर बळ देवो व दादांच्या आत्म्यास शांती लाभो, हीच बारामती झटका परिवार यांचेकडून भावपूर्ण आदरांजली आहे.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
