माळशिरस येथील प्रगतशील बागायतदार आबासाहेब वगरे यांचे अल्पशा आजाराने दुःखद निधन…

माळशिरस (बारामती झटका)

माळशिरस शहरातील प्रगतशील बागायतदार श्री. आबासाहेब सिदु वगरे यांचे वयाच्या 72 वर्षी रविवार दि. 24.11.2024 रोजी दुःखद निधन झालेले आहे. त्यांच्यावर अंतिम संस्कार सिदाचीवाडी, 61 फाटा, माळशिरस, ता. माळशिरस, येथे करण्यात आलेले आहेत. त्यांच्या पश्चात पत्नी कुसुम, दोन भाऊ (हणमंत व पंढरीनाथ), मुलगा जगन्नाथ, चार मुली ( मनीषा संजय मदने, स्वाती नवनाथ वाघमोडे, ज्योती नानासो कारंडे व अश्विनी वैभव वाघमोडे) व 3 नातवंडे असा परिवार आहे.

आबासाहेब, हनुमंत व पंढरीनाथ या वगरे बंधूंनी शेतीबरोबर आपल्या मुलांना उच्च शिक्षण दिलेले आहे. सध्या वगरे परिवार यांच्या घरामध्ये कै. आबासाहेब वगरे यांचे पुतणे श्री. अजय वगरे, तालुका कृषी अधिकारी, श्री. विजय वगरे सहाय्यक पोलीस निरीक्षक व डॉ. अमोल वगरे व डॉ. महेश वगरे कृष्णाई हॉस्पिटल माळशिरस, श्री. नवनाथ वगरे व सोमनाथ वगरे, जय कृषी सेवा केंद्र माळशिरस व अँड. गणेश वगरे माळशिरस असा मोठा परिवार आहे.

स्वर्गीय आबासाहेब वगरे यांचा रक्षा विसर्जन तिसऱ्याचा विधी मंगळवार दि. 26.11.2024 रोजी सकाळी 7.00 वा. राहत्या घराशेजारील अंतिम संस्कार केलेल्या शेतामध्ये होणार आहे. स्वर्गीय आबासाहेब वगरे यांच्या आत्म्यास शांती लाभो व वगरे परिवार यांना दुःखातून सावरण्याचे ईश्वर बळ देवो हीच बारामती झटका परिवार यांचेकडून भावपूर्ण आदरांजली आहे.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.