प्रदेशाध्यक्ष चंद्रशेखर बावनकुळे यांच्यासमोर मोहिते पाटीलांना मान खाली घालण्याची वेळ का आली ?

सोलापूर (बारामती झटका) म. टा. साभार

माढा लोकसभा निवडणुकीत आणि माळशिरस विधानसभा निवडणुकीनंतर भाजपमध्ये आमदार रणजितसिंह मोहिते पाटील यांच्या विरोधात नाराजी पसरली होती. भाजपचे विधानपरिषदेचे आमदार रणजितसिंह मोहिते पाटील यांना भाजप प्रदेशाध्यक्षांकडून पक्ष विरोधी कारवाई प्रकरणी कारणे दाखवा नोटीस पाठवण्यात आली होती. पक्षविरोधी काम केल्या प्रकरणी ती नोटीस देण्यात आली होती, त्यावर महसूलमंत्री चंद्रशेखर बावनकुळे यांना पत्रकार परिषदेत प्रश्न विचारण्यात आला. पत्रकार परिषदेत आमदार रणजितसिंह मोहिते पाटील हे देखील उपस्थित होते. कारवाई प्रकरणी प्रश्न विचारताच रणजितसिंह मोहिते पाटलांनी मान खाली घालून बसणे पसंद केले. महसूलमंत्री चंद्रशेखर बावनकुळे यांनी माध्यमांना उत्तर देताना केंद्रीय अनुशासन समितीकडे बोट केले.

राम सातपुते यांनी केली होती तक्रार

रणजितसिंह मोहिते पाटील हे भाजपचे विधानपरिषदेचे आमदार आहेत. लोकसभा आणि विधानसभा निवडणुकीत पक्षविरोधी कारवाई केल्याची तक्रार त्यांच्या विरुद्ध भाजपचे माळशिरसचे माजी आमदार राम सातपुते यांनी केली होती. राम सातपुते यांच्या तक्रारीनंतर महाराष्ट्र भाजपकडून रणजितसिंह मोहिते पाटील यांना कारणे दाखवा नोटीस देण्यात आली होती. रणजितसिंह मोहिते पाटील यांनी पक्षाच्या कारणे दाखवा नोटीसला उत्तर दिलं होतं.

महसूलमंत्री बावनकुळे यांना उत्तर देताना रणजितसिंह मोहिते यांची मानखाली

राज्याचे महसूलमंत्री चंद्रशेखर बावनकुळे हे गुरुवारी सोलापूर दौऱ्यावर आले होते. जिल्हाधिकारी कार्यालयात अधिकाऱ्यांच्या बैठका घेऊन माध्यमांशी संवाद साधला. जिल्ह्यातील सर्वपक्षीय आमदारांच्या बैठका घेऊन पत्रकार परिषद घेतली. पत्रकार परिषदेत विधानपरिषदेचे आमदार रणजितसिंह मोहिते पाटील यांची देखील उपस्थिती होती. घडलेल्या प्रकारानंतर जोरदार चर्चा या रंगताना दिसत आहेत.

रणजितसिंह मोहिते पाटलांवर कारवाई होणार ?

आमदार रणजितसिंह मोहिते पाटील यांनी विधानसभा आणि लोकसभा निवडणुकीमध्ये पक्षाच्या विरोधात काम केल्याचा आरोप आहे. हेच नाही तर त्यांना त्याबद्दल नोटीस देखील पाठवण्यात आली. भाजपचे माळशिरसचे माजी आमदार राम सातपुते यांनी ही तक्रार केली होती आणि त्यानंतर नोटीसही पाठवण्यात आली. मात्र, त्यानंतर आमदार रणजितसिंह मोहिते यांच्यावर कोणत्याही प्रकारची कारवाई ही करण्यात आली नाही.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.