वंचित व उपेक्षित घटकांना न्याय देणारे एकमेव लोकप्रतिनिधी मा. आ. रामभाऊ सातपुते – ह. भ. प. ब्रह्मदेव केंगार महाराज
महाराष्ट्र शासनाच्या राजर्षी शाहू महाराज ज्येष्ठ साहित्यिक व कलावंत सांस्कृतिक विभाग जिल्हा नियोजन समितीच्या सदस्य पदी निवड झाल्याबद्दल श्रीराम बंगला येथे मा. आ. राम सातपुते यांनी ह. भ. प. ब्रह्मदेव केंगार महाराज यांचा सन्मान…
माळशिरस (बारामती झटका)
भारतीय जनता युवा मोर्चाचे राष्ट्रीय उपाध्यक्ष व माळशिरस विधानसभेचे लोकप्रिय दमदार मा. आ. आरोग्यदूत राम सातपुते यांनी महाराष्ट्र शासनाच्या राजर्षी शाहू महाराज ज्येष्ठ साहित्यिक व कलावंत सांस्कृतिक विभाग जिल्हा नियोजन समितीच्या सदस्य पदी निवड झाल्याबद्दल मांडवे येथील श्रीराम बंगला निवासस्थानी ह. भ. प. ब्रह्मदेव केंगार महाराज यांचा सन्मान केला. यावेळी जांभूड गावचे सरपंच राहुल खटके, शेंडगेवाडी गावचे माजी उपसरपंच प्रदीप खांडेकर, पांडुरंग शेंडगे साहेब, नामदेव गोरड साहेब, जय मल्हार क्रांती संघटनेचे सोलापूर जिल्हा अध्यक्ष काकासाहेब जाधव, भटक्या विमुक्त समाजाचे नेते महेशजी शिंदे, आदी उपस्थित होते.
महाराष्ट्र शासनाच्या राजर्षी शाहू महाराज जेष्ठ साहित्यिक व कलावंत सांस्कृतिक विभाग जिल्हा नियोजन समितीची बैठक आदल्या दिवशी झालेली होती. त्यामुळे ह. भ. प. ब्रह्मदेव केंगार महाराज यांनी सत्काराला उत्तर देताना प्रसारमाध्यमांशी बोलताना सांगितले, वंचित व उपेक्षित घटकांना न्याय देणारे एकमेव लोकप्रतिनिधी माजी आमदार रामभाऊ सातपुते आहेत. माझ्यासारख्या सर्वसामान्य कुटुंबातील व्यक्तीला जिल्हाधिकारी यांच्या बैठकीला उपस्थित राहून खुर्चीला खुर्ची मांडीला मांडी लावून बसता आले. माजी आमदार राम सातपुते यांनी दिलेल्या संधीचे सोने करून माळशिरस तालुक्यातील कलावंतांना न्याय देण्याची भूमिका ठेवून तालुक्यातील कलाकारांचे संघटन करणार असल्याचे सांगितले.
मांडवे, ता. माळशिरस या गावामध्ये वास्तव्यास असणारे ह. भ. प. ब्रम्हदेव केंगार महाराज भारूड, सनई, चौघडा, आणि भजन यांच्या माध्यमातून कला जोपासण्याचे काम करीत आहेत. आपल्या देशामध्ये कलेला आणि सांस्कृतिक कलेला खूप महत्व आहे. आणि याचीच दखल म्हणुन भारतीय जनता युवा मोर्चाचे राष्ट्रीय उपाध्यक्ष व माळशिरस विधानसभेचे लोकप्रिय दमदार माजी आमदार राम सातपुते यांच्या शिफारशीने सोलापूर जिल्ह्याचे जिल्हाधिकारी तथा अध्यक्ष व समितीचे सचिव तथा सोलापूर जिल्हा परिषदेचे भुजबळ यांनी सांस्कृतिक विभाग जिल्हा नियोजन समितीच्या सदस्यपदी निवड करण्यात आली. आम्ही इथून पुढे महाराष्ट्र व्यापी कलाकारांची सर्वव्यापी संघटना निर्माण करीत आहोत. सर्व कलाकारांच्या माहितीसाठी सांगायचं झाले तर कलाकारांसाठी केंद्र आणि राज्य सरकारांच्या अनेक योजना आहेत, ज्यामध्ये ज्येष्ठ कलाकारांना आर्थिक सहाय्य, मानधन योजना आणि युवा कलाकारांना शिष्यवृत्ती व पुरस्कार यांचा समावेश आहे. महाराष्ट्र राज्यात “मान्यवर वृद्ध कलाकार आणि साहित्यिक यांना मानधन योजना” तसेच “मुख्यमंत्री कलाकार सहायता योजना” यांसारख्या योजना आहेत. केंद्र सरकारतर्फे “ज्येष्ठ कलाकारांसाठी आर्थिक सहाय्य योजना” आणि “युवा प्रतिभाशाली कलाकार पुरस्कार योजना” या योजना राबवल्या जातात. या व्यतिरिक्त, प्रधानमंत्री श्रम योगी मानधन योजना असंघटित कामगारांना सामाजिक सुरक्षा देते.
राज्यस्तरीय योजना:
महाराष्ट्र राज्यातील मान्यवर वृद्ध कलाकार व साहित्यिक यांना मानधन योजना:
या योजनेद्वारे साहित्य आणि कला क्षेत्रात महत्त्वपूर्ण योगदान दिलेल्या ५० वर्षांवरील कलावंतांना आर्थिक मदत दिली जाते, ज्यांचे उत्पन्न मर्यादित आहे.
मुख्यमंत्री कलाकार सहायता योजना :
ही योजना ओडिशा राज्यात कार्यरत असून, आर्थिक अडचणीत असलेल्या व कला क्षेत्रात योगदान देणाऱ्या वृद्धांना मदत करते.
केंद्रस्तरीय योजना
ज्येष्ठ कलाकारांसाठी आर्थिक सहाय्य योजना :
ही केंद्र सरकारची योजना आहे, जी ज्येष्ठ कलाकारांना आर्थिक आणि सामाजिक-आर्थिक मदत करते, जेणेकरून त्यांना वृद्धापकाळात चांगले जीवन जगता येईल.
युवा प्रतिभाशाली कलाकार पुरस्कार योजना :
या योजनेद्वारे, दुर्मिळ लोककला प्रकारातील युवा कलाकारांना प्रोत्साहन दिले जाते, जेणेकरून भावी पिढीला या परंपरा जपण्यासाठी प्रेरणा मिळेल.
युवा कलाकार शिष्यवृत्ती योजना (CCRT) :
ही योजना भारतीय शास्त्रीय संगीत, नृत्य, रंगमंच, लोककला इत्यादी क्षेत्रांतील प्रतिभावान युवा कलाकारांना उच्च शिक्षणासाठी शिष्यवृत्ती देते.
इतर योजना :
प्रधानमंत्री श्रम योगी मानधन योजना : ही एक ऐच्छिक व अंशदायी पेन्शन योजना आहे, जी असंघटित क्षेत्रातील कामगारांना, ज्यात कलाकार देखील समाविष्ट असू शकतात, सामाजिक सुरक्षा प्रदान करते. अशा पद्धतीची कामे करून कलाकारांना न्याय देण्याची भूमिका ठेवणार असल्याचे ह.भ.प. ब्रह्मदेव केंगार महाराज यांनी सांगितले.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
