श्रीपुर (बारामती झटका)
श्रीपुर, ता. माळशिरस, येथील श्री पांडुरंग सहकारी साखर कारखान्यावर रोटरी क्लब अकलूज व रत्ननिधी चॅरिटेबल ट्रस्ट मुंबई यांच्या संयुक्त विद्यमाने ऊस तोडणी कामगारांना मोफत कपडे वाटप कारखान्याचे कार्यकारी संचालक डॉ. यशवंत कुलकर्णी यांच्या हस्ते करण्यात आले.
त्यावेळी रोटरी क्लब अकलूजच्या अध्यक्षा प्रिया नागणे, माजी अध्यक्ष सीए नितीन कुदळे, उपाध्यक्ष नवनाथ नागणे, अध्यक्ष केतन बोरावके, संदीप लोणकर, मनोरमा लावंड, हेमलता मुळीक, आशा शेख, शेती अधिकारी संतोष कुमठेकर, ऊस विकास अधिकारी सोमनाथ भालेकर, डॉ. सुधीर पोफळे आदी अधिकारी, ऊस तोडणी कामगार मोठ्या संख्येने उपस्थित होते.
प्रजासत्ताक दिनाचे औचित्य साधून तसेच एक सामाजिक बांधिलकी म्हणून रोटरी क्लब अकलूज दरवर्षी ऊस तोडणी कामगारांना कपड्याचे वाटप करते. यावेळेस जवळपास दीडशे कपडे वाटप करण्यात आले. तसेच खाऊचे वाटप करण्यात आले. त्यामुळे ऊस तोडणी कामगारांच्या मुलांच्या चेहऱ्यावर एक हास्य फुलले. रोटरी क्लब, अकलूज नेहमीच सामाजिक बांधिलकी जपत विविध उपक्रम राबवीत असते.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
