संविधान रक्षक या राज्यस्तरीय पुरस्कारासाठी ॲड. सुमित सावंत यांची निवड
नातेपुते (बारामती झटका)
पुरोगामी महाराष्ट्र न्यूज चॅनेल यांचे वतीने दिला जाणारा मानाचा डॉ. बाबासाहेब आंबेडकर संविधान रक्षक या राज्यस्तरीय पुरस्कारासाठी ॲड. सुमित सावंत यांची निवड करण्यात आली असून शुक्रवार दि. 02 मे 2025 रोजी नातेपुते येथे होणाऱ्या पुरोगामी महाराष्ट्र न्यूज चॅनेल च्या राज्यस्तरीय पुरस्कार व सन्मान सोहळा या कार्यक्रमध्ये मान्यवरांचे शुभहस्ते पुरस्कार देऊन गौरविण्यात येणार असल्याचे पुरोगामी महाराष्ट्र न्यूज चॅनेल च्या वतीने जाहीर करण्यात आले आहे.
ॲड. सुमित सावंत यांनी सन २०१४ सालापासून माळशिरस येथे दिवाणी, फौजदारी व महसुली क्षेत्रामध्ये वकिलीचे काम सुरु करुन प्रसंगी नाममात्र फी अथवा नि:शुल्क कायदेशिर सहाय्य व अनेक गोरगरीब लोकांना मदत करण्याचे काम केले. तसेच अनेक व विविध सामाजिक संघटना, वर्तमानपत्रे तथा राजकीय पक्ष यांचे अधिकृत कायदेशिर सल्लागार म्हणुनही त्यांनी काम पाहीले आहे.
लहानपणापासुनच वेगवेगळ्या आंदोलनामध्ये उत्सुर्तपणे सहभाग…
आंबेडकरी चळवळीचा प्रभाव असल्याने कुमार वयापासुन सामाजिक कामाची आवड, विविध स्पर्धा आयोजित करुन सामाजिक उपक्रम सादर करणे, तसेच भारतीय संविधानाच्या जनजागृतीसाठी सतत प्रयत्न केले आहेत. जागर संविधानाच्या अंतर्गत विविध समाज उपयोगी उपक्रम राबविले.
अतिशय कमी वयामध्ये वकीली क्षेत्रामध्ये नावलौकीक मिळवुन मोजक्या वकीलांच्या पंक्तीत जावुन चांगल्या प्रकारे वकीली चालवत असतानासुध्दा सामाजिक भान व समाजाप्रती असणारे प्रेम जोपासत सर्वसमावेशक, सर्वांना सोबत घेवुन सामाजिक कार्य अखंडपणे सुरु ठेवले आहे. तसेच चालता-बोलता जागर संविधानाचा या उपक्रमातून सर्वसामान्य लोकांपर्यंत संविधान पोहोचविण्याचे ते काम करीत आहेत, याची दखल घेऊन पुरोगामी महाराष्ट्र न्यूज चॅनेल यांचे वतीने पुरस्कार जाहीर केल्याचे म्हटले आहे.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
