सोलापूर जिल्ह्याचे पालकमंत्री ना. श्री. जयकुमार गोरे यांचा शासकीय वाहनाने सोलापूर जिल्ह्यासह माळशिरस तालुका दौरा जाहीर…

ग्रामविकास व पंचायत राज मंत्री तथा पालकमंत्री ना. जयकुमार गोरे यांचा सोलापूर जिल्हा सुधारित दौरा जाहीर….

नातेपुते (बारामती झटका)

महाराष्ट्र राज्याचे ग्रामविकास व पंचायतराज मंत्री तथा सोलापूर जिल्ह्याचे पालकमंत्री नामदार श्री. जयकुमार भगवानराव गोरे उर्फ जयाभाऊ यांचा सोलापूर जिल्ह्यासह माळशिरस तालुक्याचा हेलिकॉप्टरने दौरा रविवार दि. 16 फेब्रुवारी 20 25 रोजी दौरा जाहीर झालेला होता. परंतु, सुधारित दौरा जाहीर झालेला असून शासकीय वाहनाने कोल्हापूर येथून 01 वाजता प्रयाण होऊन नातेपुते येथे 04 वाजता आगमन होणार आहे. त्यांच्या समवेत माढा लोकसभेचे कार्यतत्पर व पाणीदार खासदार रणजीतसिंह हिंदुराव नाईक निंबाळकर उपस्थित राहणार होते परंतु, पुणे येथील महत्त्वाच्या बैठकीस जाणार असल्याने उपस्थित राहणार नाहीत. मात्र, भारतीय जनता युवा मोर्चाचे राष्ट्रीय उपाध्यक्ष व माळशिरस विधानसभेचे लोकप्रिय दमदार माजी आमदार राम सातपुते दौऱ्यात सहभागी होणार आहेत.

पालकमंत्री ना. जयकुमार गोरे कोल्हापूर येथून दुपारी 01.00 वा. शासकीय वाहनाने रवाना होऊन नातेपुते येथे 04 वा. आगमन होणार आहे. शासकीय वाहनाने बोराटे वस्ती येथे श्रीकृष्ण मंदिर सभामंडप भूमिपूजन सोहळा व सत्कार समारंभ कार्यक्रम आटोपून हॉटेल जयनीला प्युअर व्हेज पुणे-पंढरपूर हायवे, मोरोची, नातेपुते येथील उद्घाटन समारंभ आटोपून हॉटेल राधाकृष्ण फॅमिली रेस्टॉरंट पुणे-पंढरपूर बायपास रोड, नातेपुते येथील उद्घाटन करून नातेपुते येथून शासकीय वाहनाने करमाळा जि. सोलापूरकडे प्रयाण करणार आहेत.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.