सोलापूर जिल्ह्याचे पालकमंत्री ना. जयकुमार गोरे यांचा सोलापूर जिल्ह्यातील माळशिरस तालुका दौरा जाहीर…

माळशिरस (बारामती झटका)

महाराष्ट्र राज्याचे ग्रामविकास व पंचायत राजमंत्री तथा सोलापूर जिल्ह्याचे पालकमंत्री नामदार जयकुमार गोरे यांचा सोलापूर जिल्ह्यातील माळशिरस तालुका रविवार दि. १३ एप्रिल २०२५ रोजी दौरा जाहीर झालेला आहे.

सातारा जिल्ह्यातील म्हसवड येथून शासकीय मोटारीने दुपारी 4.00 वाजता प्रयान करून सोलापूर जिल्ह्यात आगमन होऊन वेळापूर येथील श्री अर्धनारी नटेश्वर मंदिर दर्शन घेऊन म्हेत्रे मळा, वेळापूर येथे विकास कामांचा उद्घाटन सोहळा व सत्कार समारंभास उपस्थित राहणार आहेत. म्हेत्रे मळा वेळापूर येथून नातेपुते नगरपंचायत अत्याधुनिक स्ट्रीट लाईट विकास कामांचा लोकार्पण सोहळा व महावितरण अधिकारी यांच्या समवेत बैठक संपन्न होणार आहे.

नातेपुते येथून माजी आमदार राम सातपुते यांच्या श्रीराम बंगला मांडवे येथील निवासस्थानी सदिच्छा भेट देणार आहे. मांडवे येथून माळशिरस शहरात भारतीय जनता पक्षाच्या शाखेचे उद्घाटन व विविध विकास कामांचा लोकार्पण सोहळा समारंभास उपस्थित राहणार आहेत. शाखा उद्घाटन विकास कामांचा लोकार्पण सोहळा आटोपुन माळशिरस नगरपंचायतीचे माजी नगराध्यक्ष श्री. अप्पासाहेब देशमुख यांचे निवासस्थानी सदिच्छा भेट देणार आहेत. माळशिरस येथून बोराटवाडी, ता. माण, येथील कमलकुंज निवासस्थानी प्रयाण करणार आहेत.

सोलापूर जिल्ह्याचे पालकमंत्री नामदार जयकुमार गोरे यांच्या समवेत माढा लोकसभेचे कार्यतत्पर व पाणीदार माजी खासदार रणजितसिंह नाईक निंबाळकर, जत विधानसभा मतदारसंघाचे आमदार गोपीचंद पडळकर, फलटण कोरेगाव विधानसभा मतदारसंघाचे आमदार सचिन पाटील, माळशिरस विधानसभेचे माजी आमदार राम सातपुते यांची प्रमुख उपस्थिती राहणार आहे.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.