अकलूज (बारामती झटका)
भारतीय घटनेचे शिल्पकार विश्वरत्न डॉ. बाबासाहेब आंबेडकर यांच्या जयंतीनिमित्त पीपल्स रिपब्लिकन पार्टीच्या वतीने अभिवादन करून कॅलेंडर प्रकाशन व जिलेबी वाटप करण्यात आली. प्रथम अकलूज येथील डॉ. बाबासाहेब आंबेडकर यांच्या पुतळ्याला अकलूज येथील प्रसिद्ध डॉ. एम. के. इनामदार, उपविभागीय पोलिस अधिकारी शिवपुजे, डॉ. राजीव राणे, डॉ. विवेक गुजर, पोलीस निरीक्षक अरुण सुगावकर, रिपाई आठवले गटाचे राज्य उपाध्यक्ष नंदकुमार केंगार, पीपल्स रिपब्लिकन पार्टीचे जिल्हाध्यक्ष सोमनाथ भोसले यांच्या हस्ते पुष्पहार अर्पण करून अभिवादन करण्यात आले.
त्यानंतर डॉ.बाबासाहेब आंबेडकर यांच्या पुतळ्यासमोर वरील मान्यवरांच्या हस्ते महामानव जयंती दिनदर्शिका कॅलेंडरचे प्रकाशन करून जिलेबी वाटप करण्यात आली.
यावेळी वरील मान्यवरांनी पीपल्स रिपब्लिकन पार्टीच्या वतीने आयोजित केलेल्या या उपक्रमाचे कौतुक करून सर्वांना डॉ.बाबासाहेब आंबेडकर जयंतीच्या शुभेच्छा दिल्या.
यावेळी पीपल्स रिपब्लिकन पार्टीचे माळशिरस तालुकाध्यक्ष सचिन कांबळे, तालुका कार्याध्यक्ष हेमंत कांबळे, युवक तालुकाध्यक्ष संतोष गायकवाड, तालुका सरचिटणीस दयानंद कांबळे, उपकार्याध्यक्ष अमित जवंजाळ, तालुका संघटक पांडुरंग चव्हाण, जिल्हा संपर्कप्रमुख नवनाथ हुंबे, पंढरपूर तालुका अध्यक्ष सचिन जाधव, अकलुज शहराध्यक्ष मिलिंद पवार, माळशिरस तालुका संपर्कप्रमुख शिवम गायकवाड, अकलूज शहर संपर्क प्रमुख शिवाजी खडतरे, शहाजी खडतरे, अजय साळुंखे, आकाश गायकवाड, बाबासाहेब ननवरे, तालुका उपाध्यक्ष शरद साठे, प्रशांत भोंडवे, राजू बागवान, अकलूज शहर कार्याध्यक्ष स्वप्निल शिरसट, अशोक कोळी आदींसह पदाधिकारी, भीमसैनिक मोठ्या संख्येने यावेळी उपस्थित होते.
नवनवीन व ताज्या घडामोडी पाहण्यासाठी आमच्या बारामती झटका फेसबुक पेजला लाईक आणि शेअर जरूर करा. https://bit.ly/31IKDng
