जय हनुमान पॅनलच्या सौ. शोभा सिद यांच्या विजयामुळे ग्रामपंचायतमध्ये तानाजी पालवे गटाची शोभा वाढली.
मांडवे ( बारामती झटका )
माळशिरस तालुक्यातील मांडवे ग्रामपंचायत पोटनिवडणुकीमध्ये मतदारांनी उदंड प्रतिसाद देत मतदानाची विक्रमी नोंद करत ९१५ पैकी ८१४ मतदान पोल झाले आहे. त्यापैकी पुरुष ४३२ तर स्त्री ३८२ मतदारांनी मतदानाचा हक्क बजावला होता. जय श्रीराम पॅनलच्या अधिकृत उमेदवार सौ. पुष्पाबाई हनुमंत पालवे ३९६ आणि जय हनुमान पॅनलच्या सौ. शोभाताई नाथा सिद ४१२ तर नोटा कोणालाच नाही. ६ मते पडलेली आहेत. अटीतटीच्या व चुरशीच्या निवडणुकीत शोभाताई सिद यांचा सोळा मताने दैदिप्यमान विजय झालेला आहे. पॅनल प्रमुख तानाजी पालवे यांच्या गटाला सौ. शोभा सिद यांच्या विजयाने शोभा वाढलेली आहे.
जय श्रीराम पॅनलचे प्रमुख माजी पंचायत समिती सदस्य व माजी सरपंच जयवंत पालवे आणि जय हनुमान पॅनलचे प्रमुख माजी पंचायत समिती सदस्य व माजी सरपंच तानाजी पालवे यांच्या मार्गदर्शनाखाली चुरशीची निवडणूक झालेली होती. माळशिरसचे तहसीलदार जगदीश निंबाळकर, निवासी नायब तहसीलदार तुषार देशमुख, नायब तहसीलदार आशिष सानप यांच्या मार्गदर्शनाखाली निवडणूक निर्णय अधिकारी एस. टी. चव्हाण यांनी काम पाहिले आहे. त्यांना सहकार्य तलाठी उन्हाळे भाऊसाहेब यांनी केलेले होते. सौ. शोभाताई सिद यांचा विजयाचा आनंदोत्सवात जय हनुमान पॅनलच्या कार्यकर्त्यांनी गुलाल उधळून व फटाक्यांच्या आतीषबाजीने परिसर दणाणून सोडला होता. मांडवे गावात दिवाळीच्या सणासारखा आनंदोत्सव साजरा करण्यात येत आहे.
नवनवीन व ताज्या घडामोडी पाहण्यासाठी आमच्या बारामती झटका फेसबुक पेजला लाईक आणि शेअर जरूर करा. https://bit.ly/31IKDng
