अकलूज येथे ह. भ. प. कु. आरती महाराज भुजबळ, नातेपुते यांचे सुश्राव्य कीर्तन होणार

भारतीय जनता पार्टीचे अकलूज शहराध्यक्ष महादेव कावळे यांची कन्या कै. मयुरी कावळे हिच्या प्रथम पुण्यस्मरणानिमित्त कीर्तन, आरती, पुष्पवृष्टी व महाप्रसादाचे आयोजन

अकलूज (बारामती झटका)

अकलूज ता. माळशिरस येथे भारतीय जनता पार्टीचे अकलूज शहराध्यक्ष महादेव नाना कावळे यांची कन्या कै. मयुरी हिच्या प्रथम पुण्यस्मरणाचे आयोजन दि. ०९/०३/२०२५ रोजी रामबाग नं. ५ अकलूज, ता. माळशिरस, येथे करण्यात आले आहे. या प्रथम पुण्यस्मरणानिमित्त ह. भ. प. कु. आरती महाराज भुजबळ, नातेपुते यांच्या सुश्राव्य कीर्तनाचे आयोजन करण्यात आले आहे. यावेळी कीर्तनानंतर आरती, पुष्पवृष्टी व महाप्रसादाचे आयोजन करण्यात आले आहे. तरी या प्रथम पुण्यस्मरणास उपस्थित राहण्याचे आवाहन समस्त कावळे परिवार, अकलूज यांच्या वतीने करण्यात आले आहे.

कै. मयुरी महादेव कावळे हिच्या प्रथम पुण्यस्मरणानिमित्त महादेव नाना कावळे मित्रपरिवार यांच्यावतीने रविवार दि. ०९/०३/२०२५ रोजी गरजवंतांना रक्त बॅग मोफत या सामाजिक उपक्रमाचे आयोजन करण्यात आले आहे. या दिवशी सकाळी ९ ते सायंकाळी ६ वाजेपर्यंत गरजवंतांना रक्त बॅग मोफत देण्यात येणार आहे. ज्या रुग्णांना रक्ताची गरज आहे, अशांना रक्त बॅग मोफत देण्यात येणार आहे. या बॅगेचे १५००/- रु. महादेव नाना कावळे मित्रपरिवार हे देणार आहेत. या उपक्रमाला सहकार महर्षी शंकरराव मोहिते पाटील ब्लड बँक गणेशनगर, अकलूज यांचे सहकार्य असणार आहे.

त्याचबरोबर या दिवशी रुग्णांना फळे वाटप करण्यात येणार आहे, तसेच वृक्षारोपण देखील करण्यात येणार आहे. अशा सामाजिक उपक्रमांनी समस्त कावळे परिवार व महादेव कावळे मित्र परिवार यांच्यावतीने कै. मयुरी तिचे प्रथम पुण्यस्मरण करण्यात येणार आहे.

तरी कै. मयुरी महादेव कावळे हिच्या प्रथम पुण्यस्मरणानिमित्त आयोजित करण्यात आलेल्या कार्यक्रमास नातेवाईक, मित्रपरिवार यांनी उपस्थित राहण्याचे आवाहन समस्त कावळे परिवार व महादेव कावळे मित्रपरिवार यांच्यावतीने करण्यात आले आहे.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.