लोकप्रिय दमदार आमदार राम सातपुते यांनी सोज्वळ व्यक्तिमत्व यांचा सन्मान करून भावी कारकिर्दीस शुभेच्छा दिल्या.
सदाशिवनगर ( बारामती झटका)
भारतीय जनता युवा मोर्चाचे राष्ट्रीय उपाध्यक्ष व माळशिरस विधानसभेचे लोकप्रिय दमदार आमदार राम सातपुते यांनी अजातशत्रू असणारे सदाशिवनगर येथील सुपरिचित असणारे सोज्वळ व्यक्तिमत्व सुभाष सुज्ञे उर्फ हरी ओम यांचा श्रीराम निवास, मांडवे येथील जनसंपर्क कार्यालयात सन्मान केला. यावेळी गव्हर्मेंट कॉन्ट्रॅक्टर लालासाहेब बाजारे, युवा नेते आदिनाथ पालवे, आमदार यांचे विश्वासू सहकारी हरिभाऊ पालवे उपस्थित होते.
सुभाष सुज्ञे यांचे वास्तव्य गेली अनेक वर्ष सदाशिवनगर येथे आहे. जमीन नाही, व्यवसाय व राहण्यासाठी जागा पुणे-पंढरपूर रोडवर आहे. त्याठिकाणी साक्षी व्हरायटीज दुकानामधून होणाऱ्या फायद्यावर उपजीविका सुरू आहे. सुसंस्कृत व सोज्वळ स्वभाव असल्याने अनेकांच्या जमीन, घर, जागा, प्लॉट, वाहन खरेदी, विक्री यामधून स्वच्छ व पारदर्शक व्यवहार करून स्वखुशीने खरेदी विक्री करणारे सढळ हाताने मदत करीत असतात.
महाराष्ट्र राज्याचे माजी सहकार राज्यमंत्री लोकनेते स्वर्गीय प्रतापसिंह मोहिते पाटील यांच्या विश्वासू सहकाऱ्यांपैकी सुभाष सुज्ञे आहेत. श्री शंकर सहकारी साखर कारखाना लिमिटेड सदाशिवनगर या कारखान्याच्या पंचक्रोशीतील चेअरमन, व्हाईस चेअरमन, संचालक मंडळ, कामगार, सभासद, ऊस वाहतूकदार या सर्वांच्या परिचयाचे आहेत. साधी राहणी व उच्च विचारसरणी असणारे हरी ओम सर्वांना आपलेसे वाटतात. समाजामध्ये वागण्या-बोलण्यातून आपली स्वतःची वेगळी ओळख निर्माण केलेली आहे. गेली अनेक वर्षापासून पुरंदावडे व सदाशिवनगर गावातील देवी-देवतांना दिवा अगरबत्ती करून ते स्वच्छतेचे काम करत असतात. समाजामधील मित्रपरिवार व नातेवाईक यांना अडचणीच्या काळात मदत व सहकार्य करण्याची भावना असते. एखद्याचे चांगले नाही करता आले तरी वाटोळे करण्याची मनामध्ये तीळभर सुद्धा बुद्धी नसते. लहानथोर, वयोवृद्ध या सर्वांमध्ये मिळून मिसळून असणारे हरी ओम या नावाने सुप्रसिद्ध आहेत.
सदाशिवनगर पंचक्रोशी व माळशिरस तालुका सोलापूर जिल्ह्यासह महाराष्ट्रामध्ये अनेक मैत्रीचे व जिव्हाळ्याचे संबंध दृढ केलेले आहेत. अशा सुसंस्कृत व सोज्वळ जिवलग मित्राला बारामती झटका परिवार यांचेकडून लाख लाख शुभेच्छा. हरिओम आपणांस उदंड आयुष्य, आरोग्य, धनसंपदा लाभो. श्रीनिवास कदम पाटील परिवार यांचेकडून वाढदिवसाच्या लाख लाख शुभेच्छा.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९७६६७०३५१४ हा नंबर आपल्या व्हाट्सअप ग्रुपमध्ये समाविष्ट करावा.
