मळोली येथील रत्नाई इंग्लिश मीडियम स्कूलच्या वार्षिक स्नेहसंमेलनाचे आयोजन

ह. भ. प. बापूसाहेब मोरे महाराज देहूकर यांच्यासह अनेक मान्यवरांच्या उपस्थितीत वार्षिक स्नेहसंमेलन होणार

मळोली (बारामती झटका)

रत्नाई इन्स्टिट्यूट मळोली, संचलित रत्नाई इंग्लिश मीडियम स्कूल मळोली यांच्या संयुक्त विद्यमानाने वार्षिक स्नेहसंमेलनाचे आयोजन शनिवार दि. १४/०३/२०२६ रोजी सायंकाळी ७ ते १०.३० वा. या वेळेत करण्यात आले आहे. या वार्षिक स्नेहसंमेलन कार्यक्रमास देहू संस्थानचे अध्यक्ष ह. भ. प. बापूसाहेब मोरे महाराज देहूकर प्रमुख उपस्थितीत असणार आहेत.

तसेच यावेळी सोलापूर जिल्हा परिषदेच्या सदस्या समाजसेविका सौ. संस्कृतीताई राम सातपुते, माळशिरस पंचायत समितीचे नूतन सभापती दत्तात्रय मगर, सोलापूर जिल्हा परिषद सदस्य चंद्रकांत जाधव, भारतीय जनता पार्टीच्या महिला आघाडीच्या माळशिरस तालुका अध्यक्षा सौ. नीता मगर पाटील, माळशिरस पंचायत समितीच्या सदस्या सौ. नम्रता पुकळे, पिंक रेव्होलेशन इंडियाच्या संस्थापिका डॉ. सौ. श्रद्धा जवंजाळ, माळशिरस नगरपंचायतीचे माजी नगराध्यक्ष आप्पासाहेब देशमुख, यांच्यासह रत्नाई इंग्लिश मीडियम स्कूल मळोली चे सर्व महिला पालक उपस्थित असणार आहेत.

विद्यार्थ्यांच्या कलागुणांना वाव मिळावा, त्यांना व्यासपीठ उपलब्ध व्हावे, यासाठी वार्षिक स्नेहसंमेलनाचे आयोजन करण्यात आले आहे. तुमच्या येण्याने त्यांना आशीर्वाद आणि आत्मविश्वास मिळेल, त्यासाठी मळोली व परिसरातील सर्व महिला व पुरुषांनी सहकुटुंब सहपरिवार या वार्षिक स्नेहसंमेलन कार्यक्रमास उपस्थित राहावे, असे आवाहन रत्नाई इन्स्टिट्यूट्स मळोलीच्या अध्यक्षा सौ. अर्चना पवार व संस्थापक ॲड. राजेंद्र पवार यांच्या वतीने करण्यात आले आहे.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.