माळशिरस येथे महाशिवरात्र निमित्त भव्य यात्रेचे आयोजन

श्रीनिवास कदम पाटील March 5, 2024

माळशिरस (बारामती झटका)

जाधववस्ती ता. माळशिरस, येथे शिवशक्ती महाशिवरात्र यात्रा कमिटी जाधववस्ती यांच्यावतीने महाशिवरात्र निमित्त महाशिवरात्र भव्य यात्रेचे आयोजन गुरुवार दि. ७/३/२०२४ ते शनिवार दि. ८/३/२०२४ रोजी महादेव मंदिरासमोरील पटांगण, जाधववस्ती, येळीव-मायनर फाटा येथे करण्यात आले आहे.

यामध्ये गुरुवार दि. ७/३/२०२४ रोजी रात्री ९ ते १२ वाजता भारुडसम्राट ह. भ. प. सावता केशव फुले महाराज सणसर यांचा भारुडाचा कार्यक्रम होणार आहे.

शुक्रवार दि. ८/३/२०२४ रोजी सकाळी ६ ते ८ वाजता ह. भ. प. शरदकाका माळशिरस यांच्या शुभहस्ते महापूजा करण्यात येणार आहे. तसेच दुपारी ३ ते ६ या वेळेत विविध पारंपारिक स्पर्धेचे आयोजन करण्यात आले आहे. तर सायंकाळी ७ ते ९ वाजेपर्यंत संत सावता माळी भजनी मंडळ माळशिरस यांच्या भजन कार्यक्रमाचे आयोजन करण्यात आले आहे. रात्री ९ ते ११ ह. भ. प. बाळासाहेब महाराज देशमुख भूम परांडा, धाराशिव यांच्या सुश्राव्य कीर्तनाचे आयोजन करण्यात आले आहे.

शनिवार ९/३/२०२४ रोजी सकाळी ९ ते ११ ह. भ. प. भागवत महाराज जळगावकर पंढरपूर यांचे काल्याचे किर्तन होणार आहे. तर सकाळी ११ ते सायंकाळी ५ वाजेपर्यंत महाप्रसादाचे आयोजन करण्यात आले आहे.

तरी पंचक्रोशीतील जास्तीत जास्त भाविकभक्तांनी व ग्रामस्थांनी या भव्य यात्रेचा लाभ घेण्याचे आवाहन शिवशक्ती महाशिवरात्र यात्रा कमिटी जाधववस्ती यांच्या वतीने करण्यात आले आहे.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.