माळशिरसमध्ये अहिल्या निवास येथे हरभरा डाळीसाठी महिला व नागरीकांची उडाली झुंबड

माळशिरस (बारामती झटका)

पंतप्रधान नरेंद्र मोदी, मुख्यमंत्री एकनाथजी शिंदे, उपमुख्यमंत्री देवेंद्रजी फडणवीस, उपमुख्यमंत्री अजितदादा पवार, आरोग्यमंत्री डॉ. तानाजी सावंत, शिवसेना जिल्हा संपर्कप्रमुख प्रा. शिवाजी सावंत यांच्या मार्गदर्शनाखाली शासनाच्यावतीने आलेल्या प्रत्येक आधारकार्डाला ५ किलो सवलतीत ६० रुपये प्रमाणे हरभरा डाळ वाटपाच्या उपक्रमाला सर्वत्र उत्स्फूर्त प्रतिसाद मिळत आहे. त्याचबरोबर संवेदनशील मुख्यमंत्री यांनी ‘शासन आपल्या दारी’ योजना आणून सर्वसामान्यांना एक वेगळा पायंडा पाडला. त्याच धर्तीवर दसरा-दिवाळीच्या मुहूर्तावर नारीशक्तीचा सन्मान म्हणून माता-भगिनींसाठी शिवसेनेच्या वतीने जणू मुख्यमंत्र्यांच्या कार्याची प्रचितीच आणून दिली.

शिवसेनेच्या वतीने सवलतीच्या दरातील डाळ आज माळशिरसमध्ये अहिल्यादेवी निवास येथे नगरपंचायत हद्द व इतर आसपासची गावांना वितरित करण्यात आली. यावेळी डाळीसाठी महिला व नागरिकांची झुंबड उडाली होती. डाळीसाठी लोकांचा चांगला प्रतिसाद मिळाला.
तालुक्यातील विविध भागात हरभरा डाळ पोहोचविण्यासाठी शिवसेना तालुकाप्रमुख राजकुमार हिवरकर, जय महाराष्ट्र कामगार संघटनेचे अध्यक्ष संदीप भागवत, माऊली देशमुख, कृष्णा नंदुरगे, पत्रकार तानाजी वाघमोडे, पत्रकार शोभा वाघमोडे आदीसह शिवसेनेचे पदाधिकारी, कार्यकर्ते परिश्रम घेत आहेत.

माळशिरस शहरात जे काम कोणत्या पुढाऱ्याला जमले नाही ते काम पत्रकार व समाजसेविका शोभा वाघमोडे या एका महिलेने केले. त्यांच्या मागणी खातर माळशिरस शहरात डाळीचे वाटप करण्यात आले. – राजकुमार हिवरकर, शिवसेना तालुकाप्रमुख

शिवसेनेनी सवलतीच्या दरात हरभरा डाळ वाटप करून खूप मोठे कार्य केले आहे. यंदाची आमची दिवाळी गोड होणार आहे. त्यांच्या कार्याला मनपूर्वक शुभेच्छा. – मंगल पवार (गृहिणी)

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.