विझोरी गावचे प्रगतशील बागायतदार भीमराव ईश्वरा राचकर यांचे अल्पशा आजाराने दुःखद निधन.

विझोरी (बारामती झटका)

विझोरी ता. माळशिरस, येथील प्रगतशील बागायतदार भीमराव ईश्वरा राचकर उर्फ दादा यांचे वयाच्या 58 वर्षी अल्पशा आजाराने गुरुवार दि. 02/01/2025 रोजी दुःखद निधन झालेले आहे. त्यांच्या पश्चात पत्नी, दोन मुले, सहा भाऊ, भाऊजया, पुतणे, नातवंडे असा परिवार आहे. माळशिरस पंचायत समितीचे माजी सदस्य कृषिभूषण श्री. पांडुरंग ईश्वरा राचकर यांचे लहान बंधू होते. त्यांच्यावर शुक्रवार दि. 03/01/2025 रोजी सकाळी 8.30 वाजता राहत्या घराशेजारी शेतामध्ये अंतिम संस्कार करण्यात येणार आहे.

विझोरी येथील राचकर परिवारातील सात बंधू यांनी शेती उद्योग व्यवसायामध्ये प्रगती करून समाजामध्ये राचकर परिवाराचे नाव केलेले होते. सर्व बंधूंचे विचार एक आहेत. त्यामधील स्वर्गीय भीमराव उर्फ दादा यांच्या अकाली मृत्यूने राचकर परिवार यांच्यावर दुःखाचा डोंगर कोसळलेला आहे. राजकर परिवार यांना दुःखातून सावरण्याचे ईश्वर बळ देवो व स्वर्गीय दादांच्या आत्म्यास शांती लाभो, हीच बारामती झटका परिवार यांच्याकडून भावपूर्ण आदरांजली आहे.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.