पतुर आलं युवराजाचं, लिवलंय मोठ्या गमतीने बाई, लिवलंय मोठ्या गमतीने…

केंद्रीय नेतृत्वाकडे सदरचे पत्र गेलेले असल्याने मकर संक्रांतीचा गोड तिळगुळ कडू लागणार असा करेक्ट कार्यक्रम होणार…

मुंबई (बारामती झटका)

लोकसभा व विधानसभेच्या निवडणुकीत पक्षाशी गद्दारी करणाऱ्यांना पक्षविरोधी वर्तणूक केल्याने लोकप्रतिनिधी यांना कारणे दाखवा नोटीस मिळालेली होती. सदरच्या कारणे दाखवा नोटीसीच्या अनुषंगाने उत्तर दिलेले पत्र वाचल्यानंतर थातूरमातूर उत्तरे व पदाला न शोभणारी वाक्यरचना केलेली आहे. त्यामुळे पतुर आलं युवराजाचं लिवलंय मोठ्या गमतीने बाई, लिवलंय मोठ्या गमतीने अशी महिला वर्गामध्ये चर्चा सुरू आहे. सदरचे पत्र केंद्रीय नेतृत्वाकडे गेलेले असल्याने मकर संक्रांतीचा गोड तिळगुळ कडू लागणार असा कार्यक्रम होणार असल्याची पक्षांतर्गत जोरदार चर्चा सुरू आहे.

पक्षाचे लाभाचे पद व पक्षाच्या अडून राजकीय आर्थिक फायदा करून घेणारे निवडणुकीत पक्ष विरोधी भूमिका घेऊन पक्षाची प्रतिष्ठा मलीन करणाऱ्या लोकांची निवडणुकीनंतर महाराष्ट्रात पक्षविरोधी कारवाया करणाऱ्या विरोधात ठोस भूमिका घेतलेली आहे. युवराज सध्या नागपूर, मुंबई दिल्ली वाऱ्या सुरू आहेत मात्र, फिल्डिंग योग्य पद्धतीने लागलेली असल्याने करेक्ट कार्यक्रम होणार अशी पक्षांतर्गत चर्चा सुरू आहे.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.