माळशिरस नगरपंचायतीचे नगराध्यक्ष शिवाजीराव देशमुख यांची राष्ट्रवादी काँग्रेसच्या माळशिरस तालुका अध्यक्षपदी निवड….
महाराष्ट्र राज्याचे उपमुख्यमंत्री राष्ट्रवादीचे नेते अजितदादा पवार यांच्या मार्गदर्शनाखाली सोलापूर जिल्हाध्यक्ष माजी आमदार दीपकआबा साळुंखे पाटील यांनी निवड केली…
माळशिरस (बारामती झटका)
महाराष्ट्र राज्याचे विद्यमान उपमुख्यमंत्री राष्ट्रवादीचे नेते अजितदादा पवार गटाच्या राष्ट्रवादी काँग्रेस पक्षाचे सोलापूर जिल्हा अध्यक्ष तथा विधान परिषदेचे माजी आमदार दीपकआबा साळुंखे पाटील यांनी सोलापूर जिल्ह्याची कार्यकारणी जाहीर केलेली आहे. त्यामध्ये खजिनदार प्रवक्ता प्रत्येकी एक अकरा, उपाध्यक्ष सहा, सरचिटणीस अकरा, तालुकाध्यक्ष 12, प्रांतिक सदस्य 22 अशा कार्यकारणी सदस्यांच्या निवडी जाहीर केलेल्या आहेत. त्यामध्ये माळशिरस नगरपंचायतीचे विद्यमान नगराध्यक्ष शिवाजीराव ज्ञानदेव देशमुख यांची राष्ट्रवादी काँग्रेस पक्षाच्या माळशिरस तालुका अध्यक्ष पदी निवड करण्यात आलेली आहे.
माळशिरस नगरपंचायत निवडणुकीत शिवाजीराव देशमुख यांनी राष्ट्रवादी काँग्रेस पक्षाचा अधिकृत उमेदवार म्हणून निवडणूक लढविलेली होती. निवडणूक निर्णय अधिकारी यांनी त्यांना विजयी प्रमाणपत्र देताना राष्ट्रवादी काँग्रेस पक्ष नगरसेवक असे प्रमाणपत्र दिलेले होते.
महाराष्ट्रामध्ये सध्या मुख्यमंत्री एकनाथ शिंदे व उपमुख्यमंत्री देवेंद्रजी फडवणीस यांच्या सरकारमध्ये सहभागी होऊन राष्ट्रवादीचे नेते अजितदादा पवार उपमुख्यमंत्री झालेले आहेत. परंतु गेल्या दोन वर्षांमध्ये माळशिरस नगरपंचायत निवडणुकीनंतर भारतीय जनता पक्षाचे प्रांतिक सदस्य व तत्कालीन उपनगराध्यक्ष डॉक्टर अप्पासाहेब देशमुख आणि राष्ट्रवादीचे नगरसेवक शिवाजीराव देशमुख यांनी माळशिरस शहराच्या विकासासाठी ऐतिहासिक, राजकीय भाजप व राष्ट्रवादीची युती करून नगरपंचायतीवर भाजपचे डॉ. आप्पासाहेब देशमुख नगराध्यक्ष व राष्ट्रवादीचे शिवाजीराव देशमुख उपनगराध्यक्ष झालेले होते. डॉ. आप्पासाहेब देशमुख यांनी माढा लोकसभेचे कार्यतत्पर व पाणीदार खासदार रणजीतसिंह नाईक निंबाळकर, माळशिरस विधानसभेचे लोकप्रिय दमदार आमदार राम सातपुते, विधान परिषदेचे आमदार रणजितसिंह मोहिते पाटील यांच्या सहकार्याने माळशिरस नगरपंचायतीमध्ये विविध विकासकामे मंजूर करून काही कामे पूर्ण तर काही कामे प्रगतीपथावर आहेत.
नगराध्यक्ष व उपनगराध्यक्ष निवडीच्यावेळी भाजप राष्ट्रवादी काँग्रेसमध्ये ठरलेल्या फॉर्मुल्याप्रमाणे डॉ. आप्पासाहेब देशमुख यांनी नगराध्यक्ष पदाचा राजीनामा दिलेला होता. सदरच्या नगराध्यक्ष पदाच्या जागी शिवाजीराव देशमुख यांची बिनविरोध नगराध्यक्षपदी निवड झालेली होती. शिवाजीराव देशमुख राष्ट्रवादी काँग्रेस पक्षाच्या बी फार्मवर निवडून आलेले होते. माळशिरस तालुका अध्यक्ष पदी निवड झालेली असल्याने अधिकृत राष्ट्रवादी काँग्रेस पक्षाचे सदस्य झालेले आहेत. सध्या भाजप व अजितदादा गटाच्या राष्ट्रवादी काँग्रेस विचाराचे सरकार असल्याने माळशिरस नगरपंचायतीमध्ये विकासकामे करण्याकरता उपमुख्यमंत्री अजितदादा पवार यांचे मोलाचे सहकार्य लाभणार आहे. माळशिरस तालुक्यात शिवाजीराव देशमुख यांच्या निर्णयाचे स्वागत केले जात आहे.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
