डॉ. ज्ञानेश्वर यशवंत सकपाळ यांना अमेरिकेतील साउथ वेस्टर्न अमेरिकन युनिव्हर्सिटी कडून मानद डॉक्टरेट पदवी प्रदान.

दिल्ली (बारामती झटका)

गेली १७ वर्ष समुपदेशन क्षेत्रात सातत्याने कार्य करणारे डॉ. ज्ञानेश्वर यशवंत सकपाळ यांच्या कार्याचा आढावा साउथ वेस्टर्न अमेरिकन युनिव्हर्सिटीने घेतला व २८ एप्रिल २०२३ रोजी हॉटेल समर्थ न्यू दिल्ली येथे हिंदी सिनेसृष्टीतील प्रसिद्ध कलाकार मनिष गोईल व ईतर मान्यवरांच्या हस्ते मानसशास्त्र या विषयामध्ये मानद डॉक्टरेट पदवी प्रदान करण्यात आली. या वेळी संपूर्ण भारत भरातून वेगवेगळ्या क्षेत्रातील मंडळी उपस्थित होती. तसेच अमेरिकेवरून साऊथ वेस्टर्न अमेरिकन युनिव्हर्सिटी चे सदस्य देखील उपस्थित होते. डॉ. ज्ञानेश्वर यशवंत सकपाळ यांनी महाविद्यालयीन शिक्षण बि. ए. मानसशास्त्र पूर्ण करून पुर्ण वेळ मानसशास्त्र विषयात काम सुरु केले, पुढे त्यांनी योग शिक्षक व निसर्गोपचार तज्ञ बनून त्यामध्ये देखील डॉक्टरेट मिळवली. त्यांनी आता पर्यंत मानसशास्त्र या विषया संदर्भात अनेक विषयांचे प्रशिक्षण घेतले आहे व घेत आहेत.

सरांचे दुर्वा एज्युकेशन समुपदेशन व प्रशिक्षण केंद्र डोंबिवली – मुंबई येथे आहे तसेच सरांची डॉ. ज्ञानेश्वर यशवंत सकपाळ फाउंडेशन देखील आहे. सरांनी आतापर्यंत हजारो लोकांचे समुपदेशन केले आहे, अनेक प्रेरणादायी व मार्गदर्शनात्मक व्याखान दिली आहेत व त्यांच्या अनुभवातून ते समाजामध्ये अनेक सक्षम समुपदेशक देखील घडवत आहेत. ज्या क्षेत्रामध्ये, ज्या विषयामध्ये आपण गेली १७ वर्ष प्रामाणिकपणे कार्य करत आहोत, त्याच विषयात आपल्याला मानद डॉक्टरेट पदवी मिळावी हे खरच अभिमानास्पद व अविस्मरणीय आहे. त्याबद्दल डॉ. ज्ञानेश्वर यशवंत सकपाळ यांनी साउथ वेस्टर्न अमेरिकन युनिवर्सिटी व अयोजकांचे मनःपूर्वक आभार व धन्यवाद मानले.

नवनवीन व ताज्या घडामोडी पाहण्यासाठी आमच्या बारामती झटका फेसबुक पेजला लाईक आणि शेअर जरूर करा. https://bit.ly/31IKDng