माळशिरस पंचायत समिती सभापती राष्ट्रवादी शरदचंद्र पवार गटाचा होणार….
सभापती ठरल्यानंतर उपसभापती राष्ट्रवादी अजितदादा का शिवसेना एकनाथ शिंदे गटाचा ठरणार…
माळशिरस (बारामती झटका)
माळशिरस तालुक्यात जिल्हा परिषद व पंचायत समितीच्या चुरशीच्या व रंगतदार निवडणुकीत भाजप विरोधात राष्ट्रवादी काँग्रेस शरदचंद्र पवार, शिवसेना एकनाथ शिंदे, राष्ट्रवादी काँग्रेस अजितदादा पवार यांच्यासह छोटे-मोठे पक्ष व संघटना एकत्र येऊन निवडणूक पार पडलेली आहे. त्यामध्ये राष्ट्रवादी काँग्रेस शरदचंद्र पवार गट 8, भारतीय जनता पार्टी 6, राष्ट्रवादी काँग्रेस अजितदादा पवार गट 2, शिवसेना एकनाथ शिंदे 2 असे संख्याबळ आहे.
माळशिरस पंचायत समिती सभापती पद सर्वसाधारण असे आरक्षण आहे. सध्या सर्वसाधारण जागेवर वैष्णवीदेवी अर्जुनसिंह मोहिते पाटील, विमलताई उत्तमराव जानकर, दत्ताभैया रावसाहेब मगर असे तीन सदस्य आहे. त्यापैकी राष्ट्रवादी शरदचंद्र पवार गटाच्या वैष्णवीदेवी अर्जुनसिंह मोहिते पाटील यांची सभापती पदावर वर्णी लागल्यानंतर राष्ट्रवादी काँग्रेस अजितदादा पवार गटाचे युवराज झंजे यांची वर्णी लागेल. जर विमलताई उत्तमराव जानकर यांची सभापती पदावर वर्णी लागली तर शिवसेना एकनाथ शिंदे गटाचे दत्ताभैया रावसाहेब मगर यांची वर्णी लागेल, अशी सध्याची राजकीय परिस्थिती निर्माण झालेली आहे.
जर सभापती मराठा असेल तर उपसभापती धनगर समाजाचा असेल, सभापती धनगर समाजाचा असेल तर उपसभापती मराठा समाजाचा असेल, असे सध्याचे राजकीय वातावरण आहे. सभापती पद निश्चितपणे मोहिते पाटील किंवा जानकर यांच्याकडेच राहील, अशी सध्या तरी व्यूहरचना सुरू असल्याने तालुक्यात चर्चेला उधाण आले आहे….
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
