बारामती (बारामती झटका)
पिकांची लागवड ते काढणी पर्यंतची सर्व माहिती देण्यासाठी मौजे मुढाळे येथे बळीराजा नैसर्गिक शेतकरी गटामधील महिला शेतकऱ्यांकरिता मका पिकाच्या शेतीशाळा वर्गाचे आयोजन करण्यात आले.
मागील दोन महिन्यांपासून मका पिकांच्या शेती शाळा वर्गांचे आयोजन करण्यात येत असून आत्तापर्यंत तीन वर्ग पूर्ण झाले आहेत. या शेतीशाळेमध्ये मका पिकातील लष्करी अळीचे नियंत्रण करण्याकरिता दशपर्णी अर्क निर्मिती याविषयी सविस्तर मार्गदर्शन करण्यात आले. महिला शेतकऱ्यांनी यावेळी दशपर्णी अर्क निर्मिती घरीच करून अल्प किमतीत उत्कृष्ट असे कीटकनाशक तयार करून तो वापरण्याचा निर्धार केला.
कृषी तंत्रज्ञान व्यवस्थापन यंत्रणेचे प्रकल्प संचालक सुरज मडके, बारामतीचे तालुका कृषी अधिकारी सचिन हाके यांनी मार्गदर्शन केले. शेतीशाळेला ज्योती दरेकर, सहायक कृषी अधिकारी आरती कांबळे, तालुका तंत्रज्ञान व्यवस्थापक विश्वजीत मगर, सहायक तंत्रज्ञान व्यवस्थापक श्री. गणेश जाधव उपस्थित होते.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
