राज्यस्तरीय कराटे स्पर्धेत अंकोलीच्या चॅम्पियन कराटे क्लबचे घवघवीत यश

अंकोली (बारामती झटका) (दशरथ रणदिवे यांजकडून)

राज्यस्तरीय कराटे स्पर्धेत अंकोलीच्या चॅम्पियन कराटे क्लबने नुकतेच घवघवीत यश संपादन करून नावलौकिक मिळविला आहे. महाराष्ट्र राज्य कराटे असोसिएशनच्या वतीने नाशिक येथे राज्यस्तरीय कराटे स्पर्धा नुकत्याच पार पडल्या. या स्पर्धेत येथील भैरवनाथ विद्यालयाचा विद्यार्थी व चॅम्पियन कराटे क्लब ने आपला सहभाग नोंदवला होता.

यामध्ये समर्थ नामदेव गायकवाड याने द्वितीय क्रमांक मिळवला आहे. समर्थ गायकवाड हा सोलापूर जिल्ह्याला मेडल मिळवून देणारा पहिला खेळाडू ठरला असून तो सरकारी नोकरीत मिळणाऱ्या पाच टक्के आरक्षणास पात्र झाला आहे. त्याचबरोबर त्याला बारावी बोर्ड परीक्षेला वाढीव गुण मिळणार आहेत. त्याला हे यश मिळविण्यासाठी कराटे प्रशिक्षक रोहित पवार व सेन्सइ संतोष मोहिते यांचे मार्गदर्शन लाभले. त्याच्या या यशाबद्दल परिसरातून सर्वत्र अभिनंदन व कौतुक केले जातआहे.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.