आता लाईट बिल येणार कमी; १ एप्रिलपासून १ ते १०० युनिट वापरासाठी दर ?
मुंबई (बारामती झटका)
महावितरणच्या वीज दर निश्चिती प्रस्तावावर वीज नियामक आयोगाने आदेश देत पुढील पाच वर्षांकरिता दरात कपात केली.
त्यानुसार, १ एप्रिलपासून १ ते १०० युनिटपर्यतचा वीज वापर करणाऱ्या ग्राहकांना आता ७ रुपये ३१ पैसे ऐवजी ७ रुपये १० पैसे प्रति युनिट दराने विजेची बिले येणार आहेत.
महावितरणच्या पाच वर्षाच्या वीज दर याचिकेवर आयोगाने आदेश दिला आहे. त्यानुसार, घरगुती, औद्योगिक, वाणिज्यिक ग्राहकांसाठीचे दर २०३० पर्यंत टप्प्याटप्प्याने दरवर्षी कमी होतील.
उद्योगांना दिलासा
उद्योगांना व व्यावसायिक ग्राहकांना सकाळी ९ ते सायंकाळी ५ या कालावधीतील वीज वापरासाठीची टीओडी सवलत सुरूच राहणार आहे.
एप्रिल ते सप्टेंबर महिन्यात १५ टक्के तर ऑक्टोबर ते मार्च महिन्यात २५ टक्के सवलत या ग्राहकांना मिळणार आहे.
उत्पादनासाठीच्या महत्त्वाच्या पहिल्या पाळीत सवलतीच्या दराने वीज मिळेल.
उच्च दाब औद्योगिक ग्राहकांसाठी दर १० रुपये ७८ पैसे यावरून १० रुपये ७१ पैसे इतका होईल.
स्मार्ट मीटर धारकांना लाभ
स्मार्ट मीटर असलेल्या घरगुती ग्राहकांना सकाळी ९ ते सायंकाळी ५ या काळातील वीजवापराकरिता प्रति युनिट ८० पैसे सवलत मिळत होती. आता ८५ पैसे प्रति युनिट इतकी सवलत असेल.
फिक्स्ड चार्जमध्ये वाढ
२०२५-२६ मध्ये १३० रुपये.
२०२६-२७ मध्ये १३५ रुपये.
२०२७-२८ मध्ये १४० रुपये.
२०२८-२९ मध्ये १४० रुपये.
२०२९-३० मध्ये १४५ रुपये.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
