बारामती (बारामती झटका)
मोटार वाहन कर न भरल्यामुळे तसेच मोटार वाहन कायदा व त्याअंतर्गत नियमांतील विविध तरतुदींचे उल्लंघन केल्यामुळे अटकावून ठेवलेल्या वाहन मालकांनी ७ दिवसांच्या आत ताबा न घेतल्यास १६ सप्टेंबर २०२६ रोजी ई लिलाव करण्यात येईल, असे उप प्रादेशिक परिवहन कार्यालयाने कळविले आहे.
वाहनांच्या मूळ मालकांना वाहन कर, दंड व इतर देय रक्कम भरण्याबाबत यापूर्वी तीन नोटिसा बजावण्यात आलेल्या आहेत. तथापि, संबंधित वाहनमालकांकडून अद्याप देय रकमेचा भरणा करण्यात आलेला नाही व वाहनांचा ताबाही घेण्यात आलेला नाही.
या ४४ वाहनांची यादी कार्यालयाच्या सूचना फलकावर प्रसिद्ध करण्यात आली आहे. संबंधित वाहनमालकांनी, ताबेदारांनी कार्यालयीन प्रकरणांची पूर्तता करून, थकीत कर, दंड व इतर देय रक्कम भरून विहित कालावधीत संबंधित वाहनांचा ताबा न घेतल्यास, कोणतीही पुढील सूचना न देता सदर वाहनांचा भंगार (Scrap) स्वरूपात जाहीर ई-लिलाव उप प्रादेशिक परिवहन कार्यालय, बारामती यांच्यामार्फत www.mstcecommerce.com च्या संकेतस्थळावर करण्यात येईल याची संबंधित वाहनमालक, ताबेदार यांनी नोंद घ्यावी, असेही कळविण्यात आले आहे.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
