माळशिरस नगरपंचायतीच्या पायरीचे दर्शन घेऊन नगरसेविका सौ. रेश्माताई टेळे यांची सभागृहात दमदार एन्ट्री….

कहो दिल से रेश्माताई फिरसे, याचा प्रत्यय नगरपंचायत सभागृहात आला मात्र, मुख्याधिकारी गैरहजर का ?, उलट सुलट चर्चेला उधान…

माळशिरस (बारामती झटका)

माळशिरस नगरपंचायतीच्या अभ्यासू, हुशार व डॅशिंग नगरसेविका सौ. रेश्माताई सुरेशराव उर्फ सूर्यकांत टेळे यांना जिल्हाधिकारी सोलापूर यांनी अपात्र ठरवलेले होते. रेश्माताई टेळे यांनी नगर विकास विभागाकडे अपील दाखल केलेले होते. प्राधिकरण अधिकारी तथा उपमुख्यमंत्री तथा नगर विकास मंत्री यांनी जिल्हाधिकारी यांच्या आदेशाला स्थगिती दिलेली होती. आज सोमवार दि. 23/03/25 रोजी नगराध्यक्षा प्राजक्ता ओवाळ यांनी सर्वसाधारण सभेचे आयोजन केलेले होते. माळशिरस नगरपंचायतीच्या अभ्यासू, हुशार व डॅशिंग नगरसेविका सौ. रेश्माताई टेळे यांनी नगरपंचायतीच्या पायरीचे दर्शन घेऊन सभागृहात दमदार एन्ट्री केली. त्यावेळेस त्यांच्या समवेत स्वाभिमानी नेतृत्व निष्ठावान जनतेचा सेवक नगरसेवक कैलास वामन उपस्थित होते.

कहो दिल से रेश्मा ताई फिरसे… याचा प्रत्यय नगरपंचायत सभागृहात आला. मात्र मुख्याधिकारी गैरहजर का होते, उलट सुलट चर्चेला उधाण आलेले आहे…

दिवाळीनंतर बारस येते त्यावेळी तुळशी बारस या दिवशी तुळशीचा विवाह केला जातो आणि तुळशीच्या मंजुळा हातात धरून सहा महिने झोपला होता आता उठून भक्ताचे पालन करा, अशी म्हणण्याची परंपरा आहे. त्याच पद्धतीने सहा महिने निलंबित असणाऱ्या हुशार, अभ्यासू व डॅशिंग नगरसेविका सौ. रेशमाताई टेळे यांनी नगर पंचायतमधील कामकाजावर वेळोवेळी माहिती तक्रारी अर्ज करून कामकाजावर लक्ष ठेवून होत्या. सर्व गोष्टींचा अभ्यास करून सभागृहामध्ये दमदार एन्ट्री केलेली होती. मात्र, सभागृहामध्ये मुख्याधिकारी यांची उपस्थिती नसल्याने रेश्माताई टेळे यांनी माहिती नसलेल्या इतरांकडून प्रश्नांची सोडवणूक करण्याचे टाळले. त्यामुळे पुढच्या सर्वसाधारण बैठकीकडे रेश्माताई टेळे समर्थकांचे लक्ष लागून राहिलेले आहे.

माळशिरस नगरपंचायतीमध्ये सहा महिन्यानंतर रेश्माताई यांचे पाऊल दमदार पडलेले होते. निलंबनाची हाकिकत अशी, महाराष्ट्र शासन नगर विकास विभाग मुंबई यांच्याकडे रेश्मा ताई सूर्यकांत टेळे सदस्या माळशिरस नगरपंचायत, जि. सोलापूर यांनी महाराष्ट्र स्थानिक प्राधिकरण अधिनियम 1986 मधील कलम 7 अन्वये दि. 23/09/2025 रोजीच्या अनर्हर्तच्या आदेशाविरोधात 01/10/2025 रोजी शासनाकडे अपील दाखल केलेले होते. सदरच्या अपिल अर्जावर सक्षम प्राधिकारी तथा उपमुख्यमंत्री तथा नगर विकास मंत्री यांच्याकडे दि. 05/03/2026 रोजी सुनावणी झाली. सदर सुनावणी अंतिम सक्षम प्राधिकारी तथा उपमुख्यमंत्री तथा नगर विकास मंत्री यांनी दिलेल्या आदेशानुसार अंतिम आदेश पारित होईपर्यंत आपल्या दि. 23/09/2025 रोजी च्या आदेशास स्थगिती देण्यात येत आहे. असे महाराष्ट्र शासनाचे उपसचिव अनिरुद्ध जेवळीकर यांनी जिल्हाधिकारी सोलापूर यांना आदेश दिलेले असून सदर आदेशाच्या प्रती सौ. रेश्माताई सूर्यकांत टेळे व तक्रारदार श्री. विजय बाजीराव देशमुख यांना देण्यात आलेल्या होत्या.

हकीगत अशी, श्री. विजय बाजीराव देशमुख रा. माळशिरस, ता. माळशिरस यांनी सौ. रेश्माताई सूर्यकांत टेळे रा. माळशिरस, ता. माळशिरस यांच्या विरोधात दिलेल्या तक्रारीवरून जिल्हाधिकारी कार्यालय सोलापूर नगरपरिषद प्रशासन शाखा प्रभारी सह आयुक्त डॉ. योगेश डोके यांनी क्र. 2025/ नपप्रवि/नवी-6/कावि – 444 विवाद अर्ज नं. 2/2022 दि. 23/09/2025 रोजी पत्रान्वये महाराष्ट्र स्थानिक प्राधिकरण सदस्य अनर्हता अधिनियम 1986 चे कलम 3 (1) तसेच महाराष्ट्र स्थानिक प्राधिकरण सदस्य अनर्हता नियम 1987 चे नियम 6 अन्वये दाखल केलेल्या अर्जावर जिल्हाधिकारी सोलापूर यांच्या न्यायालयात सुनावणी पूर्ण होऊन अर्जदार यांचा अर्ज मंजूर करण्यात येत आहे. सामनेवाला यांना या आदेशाच्या निकालापासून माळशिरस नगरपंचायतीचे नगरसेवक म्हणून पुढील कालावधीसाठी अनर्ह ठरविण्यात येत आहे, अशी संबंधितांना निकालाची समज द्यावी, असे पत्र देऊन सदरचे पत्र मुख्याधिकारी यांना देण्यात आलेली होती. जिल्हाधिकारी त्यांच्या आदेशाच्या विरोधात नगर विकास खात्याकडून क्लीनचीट मिळालेली आहे. सदरची जागा रिक्त झालेली होती त्या वेळेला सदरच्या जागेची पोटनिवडणूक प्रक्रिया सुरू झालेली होती जिल्हाधिकारी सोलापूर यांच्या अनर्हतेच्या आदेशाला स्थगिती मुळे कहो दिल से रेश्मा ताई फिरसे अशी समर्थकांमधून चर्चा सुरू होती.

माळशिरस नगरपंचायतीच्या अभ्यासू, हुशार व डॅशिंग नगरसेविका सौ. रेश्माताई सुरेशराव टेळे यांना जिल्हाधिकारी सोलापूर यांनी अपात्र ठरवलेले होते. सौ. रेश्माताई यांनी नगर विकास विभागाकडे अपील दाखल केलेले होते. प्राधिकरण अधिकारी तथा उपमुख्यमंत्री तथा नगर विकास मंत्री यांनी जिल्हाधिकारी यांच्या आदेशाला स्थगिती दिल्याने माळशिरस पंचक्रोशीमध्ये फटाक्यांची आतीशबाजी करण्यात आलेली होती. निर्णयाचे स्वागत करून माळशिरसकरांचा जल्लोष माळशिरस शहरातील जागृत देवस्थान श्रीराम व श्री हनुमान मंदिरामध्ये वाजत गाजत आशीर्वाद घेण्याकरता माळशिरस शहराच्या जडणघडणीत मोलाचे योगदान असणारे अनेक नेते व कार्यकर्ते सदरच्या मिरवणुकीमध्ये सहभागी झालेले होते. त्यामध्ये श्री शंकर सहकारी साखर कारखान्याचे व्हाईस चेअरमन माळशिरस शहराचे माजी सरपंच मिलिंद दादा कुलकर्णी, माळशिरस नगरपंचायतीचे माजी उपनगराध्यक्ष डॉक्टर मारुती पाटील, माजी सरपंच विकासदादा धाईंजे, माजी नगरसेवक ॲड. सोमनाथ अण्णा वाघमोडे, युवा नेते पांडुरंग तात्या वाघमोडे, ॲड. आप्पासाहेब वाघमोडे, नगरसेवक कैलास वामन, मनसे तालुकाध्यक्ष सुरेश भाऊ टेळे, माजी पंचायत समिती सदस्य अनिल सावंत, माजी नगरसेवक संतोष काका कुलकर्णी, माजी नगरसेवक सुरेश आबा वाघमोडे, मनसे शहराध्यक्ष सुरेश वाघमोडे, संजय वाघमोडे, सचिन वाघमोडे, चेअरमन शामराव वाघमोडे, अहिल्यादेवी विकास सोसायटीचे संचालक मोहन टेळे, अहिल्यादेवी विकास सोसायटीचे व्हाईस चेअरमन बाळासाहेब वाघमोडे, अज्ञान टेळे आगतनाना सिद, आप्पासाहेब टेळे, संतोष वाघमोडे, अशोक उत्तम देशमुख, राजाभाऊ टेळे, विष्णू टेळे, विकास लष्करे, सागर धाईंजे व महिलावर्ग आदी पदाधिकारी उपस्थित होते. हलगीच्या निनादात आणि फटाक्यांच्या आताशबाजीत जल्लोषात भव्य दिव्य मिरवणूक काढून ग्रामदैवत यांचा आशीर्वाद घेतलेला. आज प्रत्यक्ष माळशिरस नगरपंचायतीच्या सभागृहामध्ये पायरीचे दर्शन घेऊन नगरसेविका सौ. रेश्माताई टेळे यांची सभागृहात दमदार एन्ट्री झालेली माळशिरसकरांनी पाहिलेली आहे…

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.