पालकमंत्री जयकुमार गोरे व माजी आमदार राम सातपुते यांच्या प्रमुख उपस्थितीत उमेदवारांच्या प्रचारार्थ संवाद बैठकीचे आयोजन..

पुणे पदवीधर व शिक्षक मतदार संघाचे भाजप महायुतीचे अधिकृत उमेदवार डॉ. सौ. स्मिता योगेश जाधव व कौस्तुभ मुरलीधर गावडे यांच्या प्रचारार्थ संवाद बैठकीचे श्रीराम बंगल्यावर आयोजन…

माळशिरस (बारामती झटका)

महाराष्ट्र राज्याचे ग्रामविकास व पंचायतराज मंत्री तथा सोलापूर जिल्ह्याचे कर्तव्यदक्ष पालकमंत्री नामदार जयकुमार गोरे व भारतीय जनता पार्टीचे महाराष्ट्र प्रदेश चिटणीस तथा माळशिरस विधानसभेचे लोकप्रिय दमदार माजी आमदार राम सातपुते यांच्या प्रमुख उपस्थितीत पुणे पदवीधर व शिक्षक मतदार संघाचे भाजप महायुतीचे अधिकृत उमेदवार डॉक्टर स्मिता योगेश जाधव व कौस्तुभ मुरलीधर गावडे यांच्या प्रचारार्थ संवाद बैठकीचे श्रीराम बंगल्यावर मंगळवार दि. 20/10/2026 रोजी दुपारी एक वाजता आयोजन केलेले आहे.

भारतीय जनता पार्टीचा विजयाचा अश्वरथ सोलापूर जिल्ह्यामध्ये महाराष्ट्र राज्याचे लाडके मुख्यमंत्री देवेंद्रजी फडणवीस यांच्या मार्गदर्शनाखाली ग्रामविकास व पंचायत राजमंत्री तथा सोलापूर जिल्ह्याचे कर्तव्यदक्ष पालकमंत्री नामदार जयकुमार गोरे यांनी आपल्या सहकाऱ्यांना समवेत घेऊन सोलापूर जिल्हा परिषद सोलापूर महानगरपालिका व ग्रामीण जिल्ह्यातील पंचायत समिती यामध्ये भारतीय जनता पार्टीचे दैदीप्यमान यश संपादन केलेले आहे. पदवीधर व शिक्षक मतदार संघात माळशिरस तालुक्यातून जास्तीत जास्त मताधिक्य भाजप व महायुतीचे अधिकृत उमेदवार यांना देण्यासाठी राम सातपुते यांनी जमिनीवर बसून कार्यकर्त्यांची सल्लामसलत करून मतदारांची यादी चे अवलोकन केलेले होते. माळशिरस तालुक्यात पदवीधर मतदार 6517 आहेत तर शिक्षक 1269 आहेत.

पदवीधर साठी माळशिरस येथे तीन बूथ, अकलूज येथे चार, दहिगाव एक, नातेपुते दोन, वेळापूर दोन, पिलीव एक अशी बूथ रचना आहे. तर शिक्षक साठी माळशिरस एक, अकलूज एक, दहिगाव एक, नातेपुते एक, वेळापूर एक अशी बुथ रचना राहणार आहे. मायक्रो नियोजन करण्यासाठी देवाभाऊ यांच्या मार्गदर्शनाखाली जयाभाऊ आणि रामभाऊ यांची तालुक्यासह जिल्ह्यात व्ह्यू रचना सुरू आहे…

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.