फार्मसीच्या विविध क्षेत्रातील व एमपीएससी मधील यशवंताचा सन्मान सोहळा उत्साहात पार पडला

पुणे (बारामती झटका)

दि. ६ऑक्टोबर २०२४ – फार्मसी समुदायाच्या यशाचा गौरव करणाऱ्या एका महत्त्वपूर्ण कार्यक्रमात, विविध क्षेत्रात उत्कृष्ट कामगिरी करणाऱ्या फार्मासिस्टचा पुण्यात भव्य महाराष्ट्र फार्मसी सन्मान सोहळा आयोजित करण्यात आला होता. नागरी सेवा, कम्युनिटी फार्मसी, अकादमी आणि फार्मास्युटिकल उद्योगातील फार्मासिस्टना एकत्र आणणाऱ्या या कार्यक्रमाने समाजात फार्मासिस्टची महत्त्वाची भूमिका अधोरेखित केली.

हा सन्मान सोहळा प्रमुख पाहुणे महेश झगडे, माजी एफडीए आयुक्त यांनी यावेळी उपस्थित राहून सार्वजनिक आरोग्य आणि सुरक्षिततेसाठी फार्मासिस्टच्या योगदानाची कबुली दिली. महाराष्ट्रात दोन हजार औषध निरीक्षक पदे भरणे अत्यावश्यक असून मी आयुक्त म्हणून कार्यरत असताना राज्य शासनास कळविले होते व फार्मसी दुर्लक्षित नसणारे क्षेत्र असून फार्मासिस्ट हाच खरा रुग्णाचा मित्र आहे हे त्यांनी अमेरिकेच्या उदाहरणाने सांगितले.

कोकणचे माजी विभागीय आयुक्त श्री. प्रभाकर देशमुख आणि पुण्याचे आयकर आयुक्त डॉ. नितीन वाघमोडे, उद्योजक अभयसिंह जगताप हे देखील मान्यवर अतिथी म्हणून उपस्थित होते. त्यांनी आपापल्या क्षेत्रातील समर्पण आणि सेवेची दखल घेतली.

या कार्यक्रमात सिव्हिल सर्व्हिसेस, कम्युनिटी फार्मसी, अध्यापन आणि फार्मास्युटिकल उद्योगात ठसा उमटवणाऱ्या फार्मासिस्टचा गौरव करण्यात आला. आरोग्यसेवेची गुणवत्ता, सुलभता आणि नाविन्य सुनिश्चित करण्यासाठी त्यांचे कठोर परिश्रम आणि वचनबद्धता निर्णायक म्हणून ओळखली गेली. श्री. आदित्य वगरे यांनी फार्मासिस्ट केवळ औषधोपचारच नव्हे तर आरोग्यसेवा धोरण तयार करण्यात आणि आरोग्यसेवा व्यावसायिकांच्या भावी पिढीला शिक्षित करण्यात महत्त्वाच्या भूमिकेवर भर दिला. महाराष्ट्र फार्मसी कडून जिल्हा परिषद व आरोग्य भरतीसाठी निशुल्क बॅचेस राबवून हजारो मुलांना प्रशिक्षित केले व दीडशेहून अधिक जास्त उमेदवार अंतिम निवड यादीत आले आहेत.

प्राचार्य बी. एस. कुचेकर यांना जीवनगौरव पुरस्कार व शिक्षण, उद्योग क्षेत्रातील डॉ. चंद्रशेखर बोबडे, डॉ. राहुल डुंबरे, डॉ. रवी नाळे, वैभव शिळीमकर, सागर पायगुडे, स्नेहा गायकवाड, संजय शेरला, तांबोळी सर यांना सन्मानित केले. त्याचप्रमाणे एमपीएससी २०२२ मध्ये राज्यात प्रथम आलेले हनमंत बनगर व एमपीएससी २०२३ राज्यसेवेत राज्यात प्रथम आलेले डॉ. महेश घाटूळे पीएसआय, राज्यात प्रथम आलेले अमोल घुटुकडे, सचिन टेकवडे व फार्मसी ऑफिसर गट ब, डॉ. अविनाश कोल्हे, कमलेश निरंजने, मयुरी सूर्यवंशी, चेतन पानसरे, ज्ञानेश्वरी दातीर, पंकज कांबळे, समाधान बाबर यांच्यासह अनेक उमेदवारांचा सन्मान करण्यात आला. महाराष्ट्र फार्मसी कडून फार्मासिस्ट डे निमित्त राष्ट्रीय निबंध स्पर्धेचे आयोजन केले होते.

या कार्यक्रमात महाराष्ट्र फार्मसीच्या फार्मासिस्टना सशक्त करण्यासाठी आणि आरोग्य सेवेच्या विविध क्षेत्रांमध्ये उत्कृष्टतेला चालना देण्यासाठी सातत्याने होत असलेल्या प्रयत्नांवर प्रकाश टाकण्यात आला. फार्मसी समुदायाला बळकटी देण्याच्या आणि समाजावर या व्यवसायाचा प्रभाव वाढविण्याच्या दिशेने कार्य करण्याच्या प्रतिज्ञेसह समारंभाचा समारोप झाला. सदर कार्यक्रमाचे सूत्रसंचालन प्रा. अश्विनी बनकर व प्रा. गुणवंत अवचर यांनी केले तर, कार्यक्रमाचे आभार सुरज हांगे यांनी मानले. स्वप्निल कदम, किरण लोखंडे, दीपक राणे, माधुरी गलगुंडे, पंकज धनवे यांनी कार्यक्रम यशस्वी करण्यासाठी उत्तमरीत्या काम केले.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.