श्री. शरदचंद्रजी पवार विद्यालयात माजी विद्यार्थी स्नेह मेळावा उत्साहात साजरा.

करमाळा (बारामती झटका)

“अशी पाखरे येती आणि स्मृती ठेवुनी जाती”, या स्मृतीला उजाळा देण्यासाठी ही पाखरे परत एकदा शाळेच्या प्रांगणात उतरली. औचित्य होते ‌शनिवार दि. 27 जानेवारी रोजी झालेल्या माजी विद्यार्थी मेळाव्याचे. वाशिंबे येथील श्री. शरदचंद्रजी पवार विद्यालयात सन २००८ च्या दहावीच्या माजी विद्यार्थ्यांचा मेळावा व स्नेहसंमेलन आयोजित करण्यात आले होते.

सदर कार्यक्रमाची सुरुवात शिक्षकांच्या हस्ते दीपप्रज्वलन व महापुरुषांच्या प्रतिमा पूजनाने झाली. माजी विद्यार्थ्यांना परत एकदा शाळेचा अनुभव देण्यासाठी राष्ट्रगीत व प्रतिज्ञा घेण्यात आली. यावेळी मुख्याध्यापक यादव सर, कांबळे गुरुजी, शिंदे सर, पवार सर, घोडेस्वार सर यांनी विद्यार्थ्यांना मार्गदर्शन केले. मे‌ळाव्याच्या निमित्ताने परत एकदा एकत्र आलेले सर्व माजी विद्यार्थी आठवणीत हरवून गेले होते. प्रत्येकजण आपली शाळा कशी आहे, हे डोळ्यांमध्ये साठवून घेत होता. वर्गमित्र भेटल्याचा आनंद सर्वांच्याच चेहऱ्यावर दिसत होता.

दरम्यान, मेळाव्यास उपस्थित सर्व विद्यार्थ्यांनी आपले मनोगत व्यक्त करून जुन्या आठवणी सांगितल्या. आता विविध क्षेत्रात काम करणाऱ्या सर्वांनी एकमेकांना सहकार्य करावे, भविष्यात पुन्हा सर्वांनी एकत्र यावे, असा मानस व्यक्त करून सर्वांनी आपला परिचय करून दिला. मनसोक्त गप्पा मारल्या. एकत्र आलेल्या विद्यार्थ्यांनी एकमेकांविषयी माहिती दिली. सध्या कोण काय नोकरी, व्यवसाय करतोय, याबाबत सांगितले.

तत्कालीन दहावीच्या मित्रमैत्रीणी आज प्रगतशील शेतकरी, दुध उत्पादक, उद्योजक, प्रशासकीय अधिकारी अशा वेगवेगळ्या क्षेत्रात कार्यरत आहेत. या स्नेहमेळाव्यामुळे जुन्या आठवणी जाग्या झाल्या आणि अनेकांना गहिवरून आले. गतकाळातील जुन्या आठवणींना उजाळा देत मेळावा सगळ्यांच्या उपस्थितीत पार पडला.

यावेळी संयोजन समितीचे दीप्ती झोळ, माधुरी घोगरे, प्रियंका शिंदे, रुपाली चव्हाण, सोनाली भोईटे, मुक्ता डोळे, सोनाली झोळ, सोनल झोळ, गणेश शिंदे, महावीर झोळ, रणजीत कोळेकर (तहसीलदार), अ‍ॅड. संग्रामदादा नरुटे, प्रदीप तनपुरे (पुणे पोलिस) अ‍ॅड. तुषार वाघमोडे, पांडुरंग लोखंडे (शहरअध्यक्ष, मनसे), अश्रू कानडे, नवनाथ जाधव, शिवाजी टापरे, रमेश झोळ, महेश झोळ, बंडोपंत पाटील, डोळेकाका, विष्णु राऊत, योगेश वाघमोडे, संदीप चव्हाण, अमोल गायकवाड, आनंद गायकवाड, ज्ञानेश्वर गायकवाड, विकास अटक, अशोक ननवरे यांनी स्वयंस्फूर्तीने कार्यक्रमाच्या विविध जबाबदाऱ्या उचलून कार्यक्रम उत्साही पद्धतीने पार पाडला.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.