शहीद जवान शेखर भीमराव जगदाळे यांच्या पार्थिवावर उकिर्डे येथे शासकीय इतमामात अंत्यसंस्कार
माण (बारामती झटका)
केंद्रीय औद्योगिक सुरक्षा दलातील हवालदार शहीद वीर जवान शेखर भीमराव जगदाळे यांच्या पार्थिवावर आज माण तालुक्यातील उकिर्डे येथे शासकीय इतमामात अंत्यसंस्कार करण्यात आले.
अंत्यसंस्काराच्या ठिकाणी ग्रामविकास व पंचायतराज मंत्री तथा सोलापूर जिल्ह्याचे पालकमंत्री ना. जयकुमार गोरे यांनी शहीद वीर जवान शेखर जगदाळे यांच्या पार्थिवावर पुष्पचक्र अर्पण करून अभिवादन केले.
यावेळी प्रांताधिकारी उज्वला गाडे, माजी जिल्हा परिषद सदस्य अर्जुन (तात्या) काळे, नायब तहसीलदार श्रीकांत शेंडे, माण तालुका भाजपा अध्यक्ष गणेश सत्रे, लष्कराचे विविध आजी, माजी अधिकारी, विविध विभागाचे अधिकारी आणि ग्रामस्थ उपस्थित होते.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
