सहकारातील गाढे अभ्यासक व माजी चेअरमन रणजितसिंह मोहिते-पाटील यांचा उमेदवारी अर्ज बाद….

सोलापूर जिल्ह्याला सहकाराचे तत्त्वज्ञान शिकवणारे जिल्हा बँकेच्या उमेदवारी अर्जातच नापास….

अकलूज (बारामती झटका)

सोलापूर जिल्हा मध्यवर्ती सहकारी बँकेच्या संचालक मंडळ सन 2026 -27 ते सन 2031-32 या कालावधीसाठी निवडणुकीत एकूण 201 सभासदांनी 238 अर्ज दाखल केलेले होते. त्यामध्ये बँकेचे माजी लोकप्रतिनिधी यांनी सुद्धा उमेदवारी अर्ज दाखल केलेले होते. सोलापूर जिल्ह्याला सहकाराचे तत्त्वज्ञान शिकवणारे सहकारातील स्वतःला गाढे अभ्यासक समजणारे माजी चेअरमन रणजीतसिंह विजयसिंह मोहिते पाटील यांचा उमेदवारी अर्ज बाद झालेला आहे. सोलापूर जिल्ह्याला सहकाराचे तत्त्वज्ञान शिकवणारे जिल्हा बँकेच्या उमेदवारी अर्जातच नापास झालेले आहेत. आज मंगळवार दि. 03/11/2026 रोजी छाननी पूर्ण होऊन 140 उमेदवारी अर्ज वैध झालेले आहेत.

सहकार महर्षी शंकरराव नारायणराव मोहिते पाटील यांचे नातू महाराष्ट्र राज्याचे माजी ग्रामविकास मंत्री विजयसिंह शंकरराव मोहिते पाटील यांचे पुत्र राज्यसभेचे माजी खासदार विधान परिषदेचे माजी आमदार सोलापूर जिल्हा मध्यवर्ती बँकेचे माजी चेअरमन श्री शंकर सहकारी साखर कारखान्याचे विद्यमान चेअरमन रणजीतसिंह विजयसिंह मोहिते पाटील यांचा उमेदवारी अर्ज सोलापूर जिल्हा मध्यवर्ती सहकारी बँकेचे निवडणूक निर्णय अधिकारी मुकुंद पवार यांनी बाद केलेला आहे.

सोलापूर जिल्हा मध्यवर्ती बँकेची निवडणूक सुरू झाल्यानंतर महाराष्ट्र राज्याचे ग्रामविकास व पंचायतराज मंत्री तथा सोलापूर जिल्ह्याचे पालकमंत्री नामदार जयकुमार गोरे यांच्या मार्गदर्शनाखाली जिल्हा बँकेच्या निवडणुकीची प्रक्रिया सुरू होती. त्यावेळेला मोहिते पाटील व मोहिते पाटील समर्थक यांच्या बुडाला आग लागलेली होती. जिल्हा बँक आमचीच आहे, अशा अविर्भावात माजी चेअरमन रणजीतसिंह मोहिते पाटील यांची भाषा होती. माझ्या कारकिर्दीमध्ये कर्जवाटप करीत असताना अशा अनेक वल्गना करून नाकाने वांगी सोललेली होती. जिल्हा बँक शेतकऱ्याची आहे, असा कळवळा आणत होते. केशर मातीच्या नावाखाली शेतकऱ्यांच्या बँकेची कशी माती केली, सोलापूर जिल्ह्याला अवगत आहे. पुनश्च बँकेमध्ये येण्याचा मनसुबा धुळीला मिळालेला आहे. सहकारातील स्वतःला गाढे अभ्यासक असल्यासारखे वावरणारे रणजीतसिंह मोहिते पाटील यांचा उमेदवारी अर्ज बाद झाल्याने फाजील व वाचाळवीर मोहिते पाटील कार्यकर्त्यांना चांगलीच चपराक बसलेली आहे..

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.