वेळापूर (बारामती झटका)
दहावीच्या परीक्षेत वेळापूर केंद्रात प्रथम येणाऱ्या श्रीजीत जाधव याचा सत्कार आपला युवक शेतकरी फोरम चे संस्थापक अध्यक्ष ॲड. एम. एम. मगर व सौ. चित्रलेखा मगर यांच्या हस्ते करण्यात आला.
मोजे निमगाव (मगराचे) येथील जवाहर शिक्षण प्रसारक मंडळ, निमगाव या शाळेतील श्री. बबन लक्ष्मण जाधव सर यांचा नातू व महेंद्र बबनराव जाधव सर यांचा मुलगा वेळापूर केंद्रात इयत्ता दहावीच्या परीक्षेत ९५% मार्क्स मिळवून पहिला आला. गावाच्या व शाळेच्या दृष्टीने ही अभिमानाची गोष्ट आहे. वेळापूर केंद्रात ८०० विद्यार्थ्यातून पहिला येणारा एकमेव विद्यार्थी आहे.
आपल्या शाळेचा व गावाचा विद्यार्थी पहिल्या क्रमांकात यावा, अशी आशा बाळगून असणारे श्री. बबन लक्ष्मण जाधव सर व प्रसिद्ध लेखक हनुमंत पवार सर यांचे मार्गदर्शन चि. श्रीजीत याला लाभले. त्याला पुढील शिक्षणासाठी व उत्तुंग यश प्राप्त करण्यासाठी त्याच शाळेचे माजी विद्यार्थी ॲड. एम. एम. मगर यांनी शुभेच्छा दिल्या. सत्कार प्रसंगी पिता पुत्र जाधव सर, मुलाची आई, आजी व सौ. चित्रलेखा मगर उपस्थित होते. त्या सर्वांनीच चि. श्रीजीतला त्याच्या यशाबाबत अभिनंदन करून शुभेच्छा दिल्या.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
