पिलीव जिल्हा परिषद गटात राष्ट्रवादी काँग्रेस मोहिते पाटील गटाला खिंडार पडणार..

माढा लोकसभेचे कार्यतत्पर व पाणीदार माजी खासदार रणजीतसिंह नाईक निंबाळकर, पालकमंत्री ना. जयकुमार गोरे, माळशिरस विधानसभेचे लोकप्रिय दमदार माजी आमदार राम सातपुते या त्रिमूर्ती लोकप्रतिनिधींच्या उपस्थितीत कार्यक्रम संपन्न होणार…

पिलीव (बारामती झटका)

माढा लोकसभेचे कार्यतत्पर व पाणीदार माजी खासदार रणजीतसिंह नाईक निंबाळकर, महाराष्ट्र राज्याचे ग्रामविकास व पंचायत राज मंत्री नामदार जयकुमार गोरे भारतीय जनता युवा मोर्चाचे राष्ट्रीय उपाध्यक्ष व माळशिरस विधानसभेचे लोकप्रिय दमदार माजी आमदार राम सातपुते या त्रिमूर्ती लोकप्रतिनिधींच्या प्रमुख उपस्थितीत भारतीय जनता पक्षामध्ये पिलीव जिल्हा परिषद गटातील अनेक नेते व कार्यकर्ते जाहीर प्रवेश करणार आहेत. पिलीव जिल्हा परिषद गटात राष्ट्रवादी काँग्रेस मोहिते पाटील गटाला खिंडार पडणार आहे.

देशात नरेंद्रजी मोदी व महाराष्ट्रात देवेंद्रजी फडणवीस यांच्या विचाराचे सरकार आलेले असल्याने भारतीय जनता पक्षाच्या कार्यकर्त्यांमध्ये उत्साह व जोश वाढलेला आहे. पंचवार्षिक कार्यकाळामध्ये माळशिरस विधानसभेचे लोकप्रिय दमदार तत्कालीन आमदार राम सातपुते यांनी माळशिरस तालुक्यात गेली ७० वर्ष जाणीवपूर्वक विकासापासून कोसो दूर ठेवलेले अनेक जिल्हा परिषद गट आहेत, त्यातील पिलीव जिल्हा परिषद गटामध्ये ग्रामदैवत श्री महालक्ष्मी मंदिर परिसर विकास व पिलीव पंचक्रोशीतील अनेक दिवस रखडलेली व रेंगाळलेली विकासकामे आमदार राम सातपुते यांनी मार्गी लावलेली आहेत. भविष्यामध्ये परिसराचा विकास करावयाचा असेल तर भारतीय जनता पक्षाच्या विचाराची जिल्हा परिषद, पंचायत समिती व ग्रामपंचायत असायला पाहिजे. असा दूरदृष्टीचा विचार करून पिलीव पंचक्रोशीतील अनेक मोहिते पाटील गटाचे नेते व कार्यकर्ते भाजपच्या वाटेवर आहेत.

भारतीय जनता पक्षाचे निमंत्रित प्रांतिक सदस्य व माळशिरस नगरपंचायतीचे कर्तव्यदक्ष माजी नगराध्यक्ष डॉ. आप्पासाहेब देशमुख यांच्या संपर्कामध्ये अनेक नेते व कार्यकर्ते आहेत. त्रिमूर्तींच्या भेटीगाठी घेण्याचे काम सुरू आहे. लवकरच ग्रामदैवत श्री महालक्ष्मी देवीच्या यात्रेच्या अगोदर जंगी कार्यक्रम होणार आहे. सदरच्या कार्यक्रमाचे जोरदार नियोजन करण्याच्या तयारीत भाजपचे नूतन नेते व कार्यकर्ते तयारीला लागलेले आहेत.

नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.