सोलापूर (बारामती झटका)
मागील काही वर्षांमध्ये शासनाकडून दळणवळण सुलभ होण्यासाठी चांगल्या प्रकारचे रस्ते बांधणी सुरू आहे. यामुळे वाहनांना चांगल्या प्रकारचे रस्ते व सुविधा मिळत असल्याने प्रवासांचा वेळ कमी झाला आहे. तसेच रस्त्यावर अपघात देखील होत आहेत. रस्ते अपघातामध्ये अपघातग्रस्तांना वेळीच मदत मिळाल्यास तसेच वैद्यकीय उपचार मिळाल्यास त्यांचे प्राण वाचू शकतात. अपघातामध्ये वेळीच व तात्काळ मदत करणार्या इसमांचे कौतूक करण्यासाठी मा.श्री. अतुल कुलकर्णी, पोलीस अधीक्षक, सोलापूर ग्रामीण यांनी ‘‘मृत्यूजंय दूत’’ हा पुरस्कार देण्यास सुरूवात केली आहे. त्यामध्ये महिनाभरामध्ये जिल्ह्यातील अपघातामध्ये मदत करणार्या नागरिकांचा प्रशंसापत्र देवून गौरव करण्यात येत आहे.
दि. 03/02/2025 रोजी श्री. विनोद भास्कर भोसले, प्रदीप शहाजी कदम रा. लवंग, ता. माळशिरस हे आपल्या मोटार सायकलवरून टेंभूर्णीहून अकलूजकडे जात असताना जांभूळबेट पाटीजवळ एका इसमास अज्ञात वाहनाने धडक देवून गंभीर जखमी केले होते. तो इसम जखमी अवस्थेत विव्हळत पडला होता. तेथे बऱ्याच बघ्यांची गर्दी जमली होती. परंतू श्री. विनोद भोसले यांनी तेथील परिस्थीती पाहून अॅब्युलन्सचा टोल फ्री क्रमांक 108 वर फोन करून अॅब्युलन्स घटनास्थळावर बोलावून जखमीस उचारासाठी रवाना केले. तसेच त्याबाबतची माहिती पोलीसांना देखील दिली. त्यांच्या या कार्यास ‘‘मृत्यूजंय दूत’’ पुरस्कार देण्यात आला आहे.
सदर दोन्ही पुरस्कार विजेत्यांना आज दि. 13/02/2025 रोजी मा.श्री.अतुल कुलकर्णी, पोलीस अधीक्षक, सोलापूर ग्रामीण यांनी मासिक गुन्हे सभेमध्ये बोलावून त्यांना प्रशंसापत्र व पुष्पगुच्छ देवून सन्मानीत केले आहे. तसेच अपघातामध्ये मदत करणार्या लोकांना पोलीस तपासाचा कोणताही त्रास होणार नाही याची हमी पोलीस अधीक्षकांनी दिली आहे.
सदरवेळी मा.श्री. अतुल कुलकर्णी, पोलीस अधीक्षक, सोलापूर ग्रामीण, मा.श्री. प्रितम यावलकर, अपर पोलीस अधीक्षक, सोलापूर गामीण, जिल्ह्यातील सर्व उपविभागीय पोलीस अधिकारी, सर्व पोलीस ठाणे प्रभारी अधिकारी व अंमलदार हजर होते.
नवनवीन बातम्या व ताज्या घडामोडी पाहण्याकरिता बारामती झटका, संपादक – श्रीनिवास कदम पाटील, ९८५०१०४९१४ हा नंबर आपल्या व्हाट्सअप ग्रुपमध्ये समाविष्ट करावा.
